Isaias 60:17 - Marahay na Bareta Biblia

¹⁷ “Bulawan embes na bronse an dadarahon ko saimo, plata saka bronse embes na lansang asin kahoy, dangan lansang embes na gapo. Dai ka na nanggad aapihon kan saimong mga namamayo; papaghadeon ko sinda sa hustisya saka sa katoninongan.

Isaias 60:17 ပူးပေါင်းရင်းမြစ်များ

1 Mga Hade 6:30

An salog kan mga kwartong ini patos nin bulawan.

Salmo 147:14

Pinapatoninong niya an mga pagdolonan mo; marahay na trigo an ipinapakakan niya saimo.

Salmo 72:3

Magin mauswag logod an daga, asin makanamit nin katanosan.

Isaias 1:26

Dangan ibabalik ko an saimong mga hukom siring kaidto, asin man an saimong mga parahatol siring sa kapinonan. Dangan aapodon kang syudad nin katanosan, an maimbod na syudad.”

Isaias 30:26

An liwanag kan bulan magigin siring sa aldaw, asin an aldaw magigin pitong beses an kaliwanagan ki sa dating liwanag kaini, arog sa liwanag nin pitong aldaw na nagliwanag sa saro sanang aldaw. An gabos na ini mangyayari kun bolongon dangan paomayan na nin Kagurangnan an mga lugad na itinao niya sa saiyang banwaan.

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 60:16

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an Kagurangnan, an nagligtas saimo, na an mapangyaring Dios nin Israel an nagpatalingkas saimo.

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Daniel 11:20

“Dangan may masalihid na sarong hade na masugo nin sarong opisyal tanganing pirit na maningil nin buhis sa mga tawo. Gigibohon niya iyan sa pagpadakul kan kayamanan kan saiyang kahadean. Dai mahahaloy, gagadanon an hadeng idto, alagad bakong sa hayag asin bakong sa gera.”

Hageo 2:8

Sadiri ko an gabos na plata saka bulawan kan kinaban.

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Hebreyo 11:40

huli ta an Dios igwa nin mas marahay na plano para sato, na kun bakong sa kaibahan ta, dai sinda magkakaigwa nin kapanoan.

2 Pedro 3:13

Alagad naghahalat kita kan ipinanuga nin Dios na bagong kalangitan asin bagong daga saen mag-eerok an katanosan.