Isaias 60:12 - Marahay na Bareta Biblia

¹² Alagad rurumpagon an mga nasyon na dai naglilingkod saimo.

Isaias 60:12 ပူးပေါင်းရင်းမြစ်များ

Genesis 27:29

Maglingkod logod saimo an mga banwaan asin magduko saimo an mga nasyon. Magin kagurangnan ka logod kan saimong mga tugang, saka magduko logod saimo an mga kapagarakian nin saimong ina. Sumpaon logod an magsumpa saimo, asin bendisyonan logod an magbendisyon saimo.”

Salmo 108:13

Kun kaiba nyato an Dios, kita manggagana; siya an maronot kan mga kaiwal ta.

Salmo 2:12

magtakig asin magduko kamo saiya; ta tibaad lumaad tolos an saiyang kaanggotan, asin bigla kamong magadan. Paladan an gabos na nagpapaampon saiya.

Isaias 14:2

Magtatarabang an dakul na nasyon sa pagbalik nin Israel sa saiyang sadiring daga, asin paglilingkodan ninda an Israel bilang mga oripon. An mga nagsakop kaidto sa Israel iyo an sasakopon nin Israel, asin an Israel iyo an mahade sa mga tawong nag-api sainda kaidto.

Isaias 41:11

“Mamamatean kan mga naaanggot saimo an sosog nin pagkadaog. An mga nakikilaban saimo magagadan

Isaias 54:15

Kun may magsalakay saimo iyan bakong kabotan ko; madadaog an siisay man na makikilaban saimo.

Jeremias 12:17

Alagad an arin man na nasyon na dai magkuyog gagaboton ko saka raraoton. Ako, an Kagurangnan, an nagtaram.”

Daniel 2:34

Mantang hinihiling mo an estatwa, may sarong dakulang gapo na nagpoon pagligid hale sa ampas, maski mayong siisay man na nagdotdot kaiyan. Tinamaan kaiyan an mga bitis na gibo sa pinaghalong lansang saka laboy, asin nagkaparasa an mga ini.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Daniel 7:18

Alagad an mga banal kan Kahorohalangkaweng Dios iyo an maako nin kapangyarihan na maghade, asin magigin kagsadiri kan kahadean sagkod pa man.”

Daniel 7:27

An kapangyarihan saka kadakulaan kan gabos na kahadean sa daga itatao sa mga banal kan Kahorohalangkaweng Dios asin magigin mayong tapos an saindang kapangyarihan sa paghade, patin paglilingkodan saka kukuyogon sinda kan gabos na pamayo.”

Zacarias 9:10

Nagtataram an Kagurangnan, “Hahaleon ko an mga panggerang karwahe sa Israel asin an mga kabayo sa Jerusalem; an mga pana na ginagamit sa gera magkakararaot. An saindong hade makikipagtipan nin katoninongan sa mga nasyon; an pagdolonan kan saiyang kahadean mapoon sa dagat sagkod sa saro pang dagat, mapoon sa Salog nin Eufrates sagkod sa mga poro kan kinaban.”

Mateo 21:44

An siisay man na mahulog sa gapong ini magkakabaraak; an siisay man na mahulogan kan gapo, maroronot siring sa alpog.”)

Lukas 19:27

Dapit naman sa mga kaiwal kong habong mag-ako sako bilang hade, darahon nindo sinda digdi asin gadanon sa atubangan ko!’”