Isaias 60:11 - Marahay na Bareta Biblia

¹¹ Magigin bukas an saimong mga trangkahan aldaw-banggi, tanganing madara saimo kan mga hade nin ibang nasyon an saindang mga kayamanan.

Isaias 60:11 ပူးပေါင်းရင်းမြစ်များ

Nehemias 13:19

Kaya nagboot ako na serahan an mga trangkahan kan syudad sa lambang pagpoon kan Sabbath, kun magbabanggi, asin dai iyan pagbukasan sagkod na dai pa natatapos an Sabbath. Nagbugtak ako sa mga trangkahan nin nagkapira sa sakong mga tawohan tanganing dai nin anoman na ikalaog na mga ititinda sa syudad kun aldaw nin Sabbath.

Salmo 149:8

tanganing kadenahan an saindang mga hade; asin kadenahan nin lansang an saindang mga lider;

Isaias 24:21

Maabot an panahon na papadusahan nin Kagurangnan an mga kapangyarihan sa itaas asin an mga namamayo kan daga.

Isaias 26:2

Bukasi an mga trangkahan kan syudad tanganing makalaog an maimbod na nasyon, an nasyon na an mga namamanwaan naggigibo kan matanos.

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Isaias 60:5

Mahihiling mo ini asin mapapano ka nin kaogmahan; maglulukso ka sa dakulang kagayagayahan. Dadarahon saimo an kayamanan kan mga nasyon; an saindang kayamanan madatong hale sa ibong kan dagat.

Isaias 61:6

Mimidbidon kamo bilang mga padi kan Kagurangnan, an mga sorogoon kan satong Dios. Magkikinabang kamo sa kayamanan kan mga nasyon asin mag-oorgulyo na iyan sadiri nindo.

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram