Isaias 6:9 - Marahay na Bareta Biblia

⁹ Nagsabi siya, “Lakaw, asin sabihan mo kaining mensahe an mga tawo: ‘Magdangog kamong maigot asin dai kamo makakasabot; maghiling kamong marahay, asin dai kamo makakamidbid.’

Isaias 6:9 ပူးပေါင်းရင်းမြစ်များ

Mga Talinhaga 28:5

Dai nasasabotan kan mga maraot an kahulogan kan hustisya, alagad nasasabotan ini nin marahay kan mga tawong nagsasamba sa Kagurangnan.

Isaias 28:13

Kaya tutukdoan kamo nin Kagurangnan kan lambang letra, linya, saka adal. Dangan madadalinas kamo sa lambang lakad na gibohon nindo. Malulugad, masisiod, asin mabibihag kamo.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 42:20

Israel, kadakul kan saimong nahiling, alagad ano an nagin kahulogan kaiyan saimo? Igwa ka nin talinga tanganing gamiton sa pagdangog, alagad ano mananggad an saimong nadangog?”

Isaias 43:8

Nagsabi an Dios, “Paatubanga an sakong banwaan sa hukoman. Igwa sinda nin mga mata, alagad mga buta; mga bongog, maski igwang mga talinga!

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Ezekiel 12:2

“Aki nin tawo, nag-eerok ka sa tahaw nin mga rebeldeng tawo. Igwa sinda nin mga mata, alagad dai nakakamaan; igwa nin mga talinga, alagad dai nakakadangog, huli ta mga rebelde sinda.

Oseas 1:9

Sinabihan nin Kagurangnan si Oseas, “Ngaranan mo siyang ‘Bako Kong Banwaan,’ huli ta an mga taga Israel bako ko nang banwaan, asin bako na ako an saindang Dios.”

Markos 4:12

tanganing ‘maski anong hiling ninda, dai sinda makakamaan, maski anong dangog ninda, dai sinda makakasabot; huli ta kun makahiling sinda asin makasabot, tibaad magbalik sinda sa Dios asin patawadon niya sinda.’”

Lukas 8:10

Nagsimbag si Jesus, “Sa saindo ipinapaaram an mga hilom kan Kahadean nin Dios, alagad sa iba ipinapaagi sa mga parabola, tanganing minsan nahihiling ninda dai ninda mamaanan; minsan nadadangog ninda dai ninda masabotan.

Juan 12:40

“Binuta sinda nin Dios, pinatagas niya an saindang mga payo, tanganing dai sinda makahiling, asin dai sinda makasabot, patin dai makabalik sako, nganing paomayan ko sinda.”

Roma 11:8

Siring kan sinasabi sa kasuratan, “Pinaluya nin Dios an saindang isip; dai sinda nakakahiling asin dai sinda nakakadangog sagkod sa aldaw na ini.”

Deuteronomio 29:4

alagad sagkod ngunyan na aldaw, dai pa niya ipinapasabot saindo an saindong naeksperyensyahan.