Isaias 6:7 - Marahay na Bareta Biblia

⁷ Dinutaan niya kan baga an sakong mga ngabil dangan nagsabi, “Nadutaan na kaini an saimong mga ngabil; mayo na an saimong karatan, asin pinatawad na an saimong mga kasalan.”

Isaias 6:7 ပူးပေါင်းရင်းမြစ်များ

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Isaias 53:5

Alagad huli kan satong mga kasalan linugad siya, huli kan ginibo tang karatan hinampak siya. Nabolong kita huli kan padusa na saiyang tinios, naomayan kita huli kan mga hampak na saiyang inako.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Isaias 57:19

Makikipagtoninong ako sa gabos, nasa harani man sinda o nasa harayo! Papaomayan ko an sakong banwaan.

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Daniel 10:16

Dangan an sakong ngabil dinutaan kan anghel, na nakakaagid sa sarong lalaki, asin nakataram ako. Sinabihan ko siya, “Kagurangnan, pinapanluya ako kan bisyon na ini kaya dai ko napapaontok an sakong pagtakig.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

Zacarias 3:4

Nagboot an anghel sa langitnon niyang mga sorogoon, “Hubaa nindo an maati niyang gubing.” Dangan sinabihan niya si Josue, “Hinale ko na an saimong kasalan, asin susulotan taka nin bagong gubing.”

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”

Mateo 9:2

Dinara saiya kan nagkapirang tawo an sarong lalaking paralitiko na nakahigda. Kan mahiling ni Jesus an saindang makosog na pagtubod, sinabihan niya an paralitiko, “Aki ko, pakosoga an boot mo! Pinapatawad na an mga kasalan mo.”

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.