Isaias 6:6 - Marahay na Bareta Biblia

⁶ Dangan naglayog pasiring sakuya an sarong serafim. Igwa siyang darang naglalaad na baga na saiyang kinua sa altar sa paagi nin pansipit.

Isaias 6:6 ပူးပေါင်းရင်းမြစ်များ

Exodo 25:38

Gibohon nindo sa purong bulawan an pansipit sa mitsa asin an mga bandehado.

Isaias 6:2

Sa palibot niya nagtitindog an mga serafim; an lambang saro sainda igwa nin anom na pakpak: an duwa pantahob kan saindang lalawogon, an duwa pantahob kan saindang mga bitis, asin an duwa ginagamit ninda sa paglayog.

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Ezekiel 10:2

Sinabihan nin Dios an lalaking nakagubing nin lino, “Magduman ka sa pagultanan kan mga rweda na nasa pamitisan kan mga kerubin asin panoon mo nin baga an saimong kamot. Dangan iwarak mo an mga iyan sa syudad.” Nahiling ko kan magduman siya.

Levitico 16:12

Makua siya nin insensaryo na pano nin baga na hale sa altar saka duwang gugom nin pinong insenso. Dadarahon niya ini duman sa Kabanal-banaleng Lugar

Mga Bilang 16:46

dangan nagsabi si Moises ki Aaron, “Kuahon mo an saimong insensaryo, bugtakan mo kan baga sa altar, asin bugtakan mo nin insenso an baga. Daraha an insensaryo pasiring sa mga tawo asin gibohon mo an seremonya nin paglinig para sainda. Maghidali ka! Anggot na an Kagurangnan asin nagpoon na an peste.”

Mateo 3:11

Binubunyagan ko kamo sa tubig sa pagpahiling na kamo nagbakle na, alagad an maabot sunod sako mabunyag saindo sa Espiritu Santo asin sa kalayo. Mas mapangyari siya ki sa sako; asin dai ako maninigong magbitbit kan saiyang sandalyas.

Mga Gibo 2:3

Dangan nahiling ninda an garo mga dilang kalayo na naghugpa sa lambang saro sainda.

Hebreyo 1:14

Kun siring, ano an mga anghel? Sinda an mga espiritung naglilingkod sa Dios; sinusugo niya sindang magtabang sa mga mag-aako nin kaligtasan.

Hebreyo 1:7

Uya an sabi nin Dios dapit sa mga anghel, “Ginibo niyang doros an saiyang mga anghel; ginigibo niyang laad nin kalayo an saiyang mga sorogoon.”

Hebreyo 13:10

An mga pading naglilingkod sa lugar na pagsasambahan mayo nin deretso na magkakan kan atang sa satong altar.