Isaias 6:5 - Marahay na Bareta Biblia

⁵ Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Isaias 6:5 ပူးပေါင်းရင်းမြစ်များ

Genesis 32:31

Nagsirang na an aldaw kan maghale si Jacob sa Peniel; pilay siyang naglakaw huli sa saiyang piad.

Salmo 24:10

Siisay ining hade nin kamurawayan? An Kagurangnan nin mga hukbo—siya an hade nin kamurawayan.

Exodo 24:10

Duman nahiling ninda an Dios nin Israel. An natutungtongan niya garo baldosa na gibo sa mga gapong sapiro na arog sa langit kaasul.

Exodo 3:6

Ako an Dios nin saimong mga magurang, an Dios ni Abraham, ni Isaac, asin ni Jacob.” Kaya tinahoban ni Moises an saiyang lalawogon huli ta natakot siyang maghiling sa Dios.

Exodo 33:20

Alagad dai ko saimo ipapahiling an sakong lalawogon huli ta mayo nin tawong pwedeng makahiling sako dangan padagos na mabuhay.

Exodo 4:10

Alagad nagsabi si Moises, “Hare ako pagsugoa, Kagurangnan. Maluya asin kamol akong magtaram. Dati akong maluyang magtaram poon kaidto sagkod ngunyan na makipag-olay ka sako.”

Exodo 6:12

Nagsimbag si Moises, “Kun an mga Israelita dai ngani nagdangog sako, an hade pa daw, orog nang gayo na maluya akong magtaram?”

Exodo 6:30

Alagad nagsimbag si Moises, “Aram mong maluya akong magtaram; kaya tadaw ta pagdangogon ako kan hade?”

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Isaias 33:17

Mahihiling nindo an hade sa saiyang kagayonan, asin an sarong daga na mahiwas nin marahay.

Isaias 59:3

An saindong mga kamot nadigtaan nin dugo asin an saindong mga muro nadigtaan nin kadahasan; mga putikon kamo asin mga madaya.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Jeremias 1:6

Nagsimbag ako, “Kagurangnan Dios, dai ako tataong magtaram; aki pa ako!”

Jeremias 51:57

Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Ezekiel 12:2

“Aki nin tawo, nag-eerok ka sa tahaw nin mga rebeldeng tawo. Igwa sinda nin mga mata, alagad dai nakakamaan; igwa nin mga talinga, alagad dai nakakadangog, huli ta mga rebelde sinda.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Daniel 9:20

Nagpadagos ako sa pagpamibi, sa pagkumpisal kan sakong kasalan saka kan kasalan kan banwaan nin Israel asin sa pakimaherak sa Kagurangnan na sakong Dios na hirahayon an saiyang banal na Templo.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Mga Bilang 17:12

Nagsabi ki Moises an banwaan nin Israel, “Iyo ini an kataposan nyamo!

Hukom 13:22

Sinabihan ni Manoa an saiyang agom, “Magagadan nanggad kita huli ta nahiling ta an Dios!”

Hukom 6:22

Dangan nagtubod si Gideon na an saiyang nahiling iyo an anghel nin Kagurangnan, kaya sa katakotan, nagsabi siya, “O Kagurangnan Dios! Hampangan na nahiling ko an saimong anghel!”