Isaias 6:3 - Marahay na Bareta Biblia

³ Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Isaias 6:3 ပူးပေါင်းရင်းမြစ်များ

Esdras 3:11

Nagpasirimbagan sinda sa pag-awit nin pag-omaw asin pasasalamat sa Kagurangnan: “An Kagurangnan marahayon, asin an saiyang pagkamoot para sa Israel nagdadanay sagkod pa man.” An gabos na tawo nagkurahaw nin makosog sa pag-omaw sa Kagurangnan, huli ta namugtak na an pundasyon kan Templo.

Salmo 57:11

O Dios, ipahiling mo sa kalangitan an saimong kadakulaan, asin sa bilog na daga an saimong kamurawayan.

Salmo 66:2

Mag-awit kamo sa kamurawayan nin saiyang ngaran; tawan siya nin mamurawayon na pag-omaw!

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Salmo 8:2

inaawit ini nin mga aki asin nin mga umboy. Ligtas ka sa gabos na kaiwal mo; pinapaontok mo an siisay man na minatumang saimo.

Salmo 90:16

An saimong mga gibo ipahiling mo sa saimong mga sorogoon; an saimong kapangyarihan ipahiling mo sa samong kapagarakian.

Salmo 97:6

An kalangitan nagbabareta kan saiyang katanosan, asin an gabos na nasyon nakakahiling kan saiyang kamurawayan.

Salmo 99:3

An lambang saro mag-oomaw kan saiyang dakula asin ginagalangan na ngaran. Siya banal!

Salmo 99:9

Pag-omawon an Kagurangnan nyamong Dios, asin sambahon siya sa saiyang banal na bulod! Huli ta banal an Kagurangnan na samuyang Dios.

Exodo 15:11

“Kagurangnan, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Ezekiel 44:4

Dangan ipinag-iba ako kan lalaki sa atubangan kan Templo; sa trangkahan sa amihan kami nag-agi. Kan magmasid ako, nahiling kong napano an Templo kan kamurawayan nin Kagurangnan. Nagdapa ako sa daga.

Habakkuk 2:14

Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Mga Bilang 14:21

Alagad siring na ako buhay, asin siring na nakakalakop sa kinaban an sakong kamurawayan,

Efeso 1:18

Hinahagad ko na maliwanagan an isip nindo tanganing manodan nindo kun ano an paglaom na inapodan niya saindo, kun ano an nagsusupay na biyaya na ipinanuga niya sa saiyang mga banal,