Isaias 6:10 - Marahay na Bareta Biblia

¹⁰ Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Isaias 6:10 ပူးပေါင်းရင်းမြစ်များ

Salmo 119:70

An mga tawong ini mayo nin pakasabot, alagad naoogma ako sa saimong katogonan.

Salmo 17:10

mayo sinda nin pagkaherak; mapaabaw-abaw sindang nagtataram.

Salmo 69:23

Dumiklom logod an saindang mga mata asin mabuta; danay logod na magkubog-kubog an saindang mga tuhod.

Exodo 10:27

Alagad pinatagas na naman nin Kagurangnan an puso kan hade kaya dai ini nagtugot na humale sinda.

Exodo 11:10

Ginibo ni Moises saka ni Aaron an mga ngangalasan na ini sa atubang kan hade, alagad pinatagas nin Kagurangnan an puso kan hade kaya dai niya tinugotan na humale sa saiyang daga an mga Israelita.

Exodo 14:17

Orog na papatagason ko an puso kan mga Egipcio kaya lalamagon ninda an mga Israelita, asin makakakua ako nin kaomawan huli kan sakong kapangganahan laban sa hade, sa saiyang mga hukbo asin sa saiyang mga nakakabayo saka mga nakakarwaheng soldados.

Exodo 7:3

Alagad papatagason ko an puso kan hade tanganing maski dakul na makangingirhat na bagay an gibohon ko sa Egipto, dai siya madangog saimo.

Mga Talinhaga 16:30

Mag-ingat sa tawong pangisingisi saka pakorokimlat saimo; igwa siyang iniisip na maraot.

Parahulit 3:3

panahon nin paggadan, saka panahon nin pagpaomay; panahon nin pagrumpag, saka panahon nin pagtugdok;

Isaias 19:22

Papadusahan nin Kagurangnan an mga Egipcio, alagad bobolongon niya sinda. Mabalik sinda saiya, asin dadangogon niya an saindang mga pamibi dangan bobolongon niya sinda.

Isaias 28:13

Kaya tutukdoan kamo nin Kagurangnan kan lambang letra, linya, saka adal. Dangan madadalinas kamo sa lambang lakad na gibohon nindo. Malulugad, masisiod, asin mabibihag kamo.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 29:9

Magpadagos kamo sa pagigin lolong! Magpadagos kamo sa pagigin sarong buta! Magburat kamo maski mayo nin arak! Magsayasay kamo maski dai nakainom minsan sarong tagdo!

Isaias 44:18

Mga lolong an siring na mga tawo; dai ninda aram an saindang ginigibo. Pinirong ninda an saindang mga mata saka sineserahan an saindang isip sa katotoohan.

Isaias 63:17

Tadaw ta itinugot mong maglagalag kami sa saimong mga dalan? Tadaw ta pinatagas mo an samong mga payo kun kaya nagtalikod kami saimo? Magbalik ka, huli na lamang sa mga tawong naglilingkod saimo, huli na lamang sa banwaan na danay na sadiri mo.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Jeremias 6:10

Nagsimbag ako, “Siisay an madangog sako kun kaolayon ko sinda saka patanidan? Matagas an saindang mga payo. Habo nindang hinanyogon an saimong tataramon asin pinagngingisihan ninda an ipinapahayag ko sainda.

Mga Panambitan 3:65

Maldisyonon mo sinda asin halean nin paglaom!

Zacarias 11:15

Dangan tinaraman ako nin Kagurangnan, “Magin saro kang pastor giraray, alagad ngunyan, sarong pastor na mayong halaga.

Zacarias 7:11

“Alagad habo sindang maghinanyog. Sinerahan ninda an saindang mga isip

Mateo 13:15

huli ta kulapos an isip kan mga tawong ini; tinatahoban ninda an saindang mga talinga, pinipirong ninda an saindang mga mata, ta tibaad sinda makamaan, o makadangog, o makasabot, dangan magdolok sako nganing paomayan ko.’

Juan 12:40

“Binuta sinda nin Dios, pinatagas niya an saindang mga payo, tanganing dai sinda makahiling, asin dai sinda makasabot, patin dai makabalik sako, nganing paomayan ko sinda.”

Mga Gibo 28:27

Huli ta nagin matagas an puso kan mga tawong ini; tinakpan ninda an saindang mga talinga, piniyong an saindang mga mata. Ta kun dai, nakahiling kutana sinda asin nakadangog; nakasabot kutana sinda, dangan nagbalik sako, tanganing bolongon ko sinda.’”

Mga Gibo 3:19

Kaya magbakle kamo asin magbalik sa Dios, tanganing patawadon niya an saindong mga kasalan, saka tawan kamo kan Kagurangnan nin kosog na espiritwal,

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

Deuteronomio 2:30

“Alagad dai kita tinugotan ni Sihon na hade nin Hesbon. Pinatagas nin Dios an saiyang puso tanganing madaog ta siya asin makua an saiyang daga, na sakop ta sagkod ngunyan.

Deuteronomio 29:3

Nahiling nindo an mga makatakot na peste, an mga tanda saka mga ngangalasan na ginibo niya;

Deuteronomio 29:4

alagad sagkod ngunyan na aldaw, dai pa niya ipinapasabot saindo an saindong naeksperyensyahan.

Deuteronomio 31:20

Dadarahon ko sinda sa dagang mayaman sa gabos na bagay, siring sa sakong ipinanuga sa saindang mga ginikanan. Makukua ninda duman an gabos na pagkakan na saindang kaipuhan, asin toninong sindang mabubuhay. Alagad masamba sinda saka malingkod sa mga dios-dios. Matalikod sinda sako asin lalapason ninda an sakong tipan;

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.