Isaias 6:1 - Marahay na Bareta Biblia

¹ Kan taon na magadan si Hadeng Uzzias, nahiling ko an Kagurangnan. Nagtutukaw siya sa saiyang trono, halangkaw saka mamuraway, asin an bilog na Templo napapano kan saiyang gubing.

Isaias 6:1 ပူးပေါင်းရင်းမြစ်များ

1 Mga Hade 22:19

Nagpadagos si Micaias, “Hinanyoga ngunyan an tataramon nin Kagurangnan! Nahiling ko an Kagurangnan na nagtutukaw sa saiyang trono kaiba an saiyang mga anghel na nagtitindog sa too niya asin sa wala.

2 Mga Hade 15:7

Nagadan si Uzzias asin ilinubong sa Syudad ni David, sa lulubngan kan mga hade. Si Jotam na saiyang aking lalaki iyo an nagsalihid saiya bilang hade.

2 Mga Cronica 18:18

Nagpadagos si Micaias, “Hinanyoga ngunyan an tataramon nin Kagurangnan. Nahiling ko an Kagurangnan na nagtutukaw sa saiyang trono. Kataed niya an gabos niyang anghel na nagtitindog sa too niya asin sa wala.

An Libro ni Job 42:5

An naaraman ko sana dapit saimo iyo an inosip sako kan iba, alagad ngunyan, nahiling taka kan sadiri kong mga mata.

Salmo 108:5

O Dios, ipahiling mo sa kalangitan an saimong kadakulaan; asin sa bilog na daga an saimong kamurawayan.

Salmo 113:5

Siisay an makakaarog sa Kagurangnan na satuyang Dios, na nag-eerok sa kaitaasan,

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Exodo 24:9

Nagturukad sa bukid si Moises, si Aaron, si Nadab, si Abihu asin an setentang mga lider nin Israel.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 12:4

Dangan maawit sinda sa aldaw na iyan: “Magpasalamat kamo sa Kagurangnan! Mag-apod kamo sa saiyang ngaran; ibalangibog nindo sa mga nasyon an saiyang mga gibo, ipahayag nindo an saiyang kadakulaan!

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Ezekiel 1:1

Sa ikalimang aldaw kan ikaapat na bulan kan ikatreyntang taon, kan ako, si Ezekiel na padi, na aking lalaki ni Buzi, nag-eerok duman sa may Salog nin Kebar sa Babilonia kaiba kan mga itinapok na Judio, nabuksan an kalangitan asin nahiling ko an sarong bisyon nin Dios. (

Ezekiel 10:1

Dangan naghiling ako sa pamayohan kan mga kerubin asin nahiling ko an garo sarong trono na gibo sa safiro.

Ezekiel 10:4

An kamurawayan kan Kagurangnan nag-itaas hale sa mga kerubin dangan nagpasiring sa may palaog kan Templo. An Templo napano nin panganoron asin an patyo nagsilyab huli kan liwanag kan kamurawayan nin Kagurangnan.

Daniel 10:17

Nakakaagid ako sa sarong oripon na nagtitindog sa atubang nin saiyang kagurangnan. Paano ako makikiolay saimo? Mayo na ako nin kosog saka hinangos.”

Daniel 7:9

Mantang naghihiling ako, ibinugtak an mga trono sa mga lugar kaini. An sarong danay na buhay nagtukaw sa saro kan mga trono; maputi siring sa nyebe an saiyang gubing, asin nakakaagid sa telang purong lana an saiyang buhok. Nagkakalayo an saiyang trono na igwa nin mga rwedang naglalaad.

Mga Bilang 12:8

Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Mateo 25:31

“Pag-abot kan Aki nin Tawo sa saiyang kamurawayan, kaiba an gabos na anghel, matukaw siya sa saiyang mamuraway na trono.

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 12:41

Sinabi ini ni Isaias huli ta nahiling niya an kamurawayan ni Jesus, kaya nagtaram siya dapit saiya.

1 Timoteo 6:16

Siya sana an mayong kagadanan; nabubuhay siya sa liwanag na mayo nin siisay man na makakadolok. Dai pa siya nahiling; dai siya nanggad mahihiling nin siisay man. Saiya an kaomawan asin an kapangyarihan na daing kataposan! Amen.

Kapahayagan 15:8

An templo napano nin aso hale sa kamurawayan asin kapangyarihan nin Dios; mayo nin makakalaog sa templo sagkod na dai matapos an pitong peste na dinara kan pitong anghel.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.

Kapahayagan 4:10

an beynte y kwatrong kamagurangan minaluhod dangan minasamba sa atubang kan nagtutukaw sa trono, na nabubuhay sagkod pa man. Ibinubugtak ninda sa atubangan kan trono an saindang mga korona saka minaawit:

Kapahayagan 4:2

Tolos na napano ako kan Espiritu. Nahiling ko duman sa langit an sarong trono; duman may nakatukaw.

Kapahayagan 4:3

An lalawogon kan nakatukaw sa trono nagliliwanag siring sa mahalagang batong haspe saka kornalina; sa palibot kan trono may bulalangaw na kakolor kan batong esmeralda.

Kapahayagan 4:9

Sa lambang pag-awit kaining apat na buhay na linalang kan mga awit nin pagpamuraway, pag-omaw, saka pagpasalamat duman sa atubangan kan nagtutukaw sa trono na nabubuhay sagkod pa man,

Kapahayagan 5:1

Nahiling ko sa toong kamot kan nagtutukaw sa trono an sarong libro na pano nin surat mang-ibong-ibong asin igwa nin pitong selyo.

Kapahayagan 5:7

Kinua kan Kordero an libro na nasa toong kamot kan nagtutukaw sa trono.

Kapahayagan 6:16

Nagkurahaw sinda sa mga bukid saka sa mga darakulang gapo, “Rumpagi kami nindo asin tagoa kami tanganing dai mi mahiling an nakatukaw sa trono asin tanganing makaligtas kami sa kaanggotan kan Kordero!