Isaias 59:9 - Marahay na Bareta Biblia

⁹ Nagsabi an mga tawo, “Ngunyan aram mi na kun tadaw ta dai kami iliniligtas nin Dios sa mga nang-aapi samo. Naghahanap kami nin liwanag alagad kadikloman an samong nakukua.

Isaias 59:9 ပူးပေါင်းရင်းမြစ်များ

An Libro ni Job 19:8

Sinerahan nin Dios an dalan, asin dai ako nakakaagi; tinahoban niya nin kadikloman an sakong agihan.

An Libro ni Job 30:26

Alagad kan maghanap ako kan marahay, nagdatong an karatan; asin kan maghalat ako kan liwanag nag-abot an kadikloman.

Salmo 82:5

“Mayo sinda nin kadonongan o pakasabot! Naglalakaw sinda sa kadikloman; mayo na nin hustisya sa kinaban.

Mga Talinhaga 4:19

An dalan kan mga tampalasan madiklom siring sa banggi. Natutumba sinda alagad dai ninda nahihiling kun ano an saindang nasingkogan.

Isaias 5:30

Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Isaias 59:11

Nag-uungal kami na garo oso; nag-aaguro kami na garo mga salampati. Hinahalat mi an Dios na iligtas kami sa pang-aapi asin sa karatan, alagad mayong nangyayari.

Isaias 59:14

Inaalaw an hustisya, asin dai nakakadolok an katanosan. An katotoohan napapadungkal sa plasa, asin dai nakakakua nin lugar duman an pagkaonesto.

Isaias 59:8

asin bakong ligtas an siisay man sa lugar na saindong dinudumanan. An gabos nindong ginigibo mayong katanosan. Sarong tiko na dalan an saindong linalakawan asin bakong ligtas an siisay man na maglakaw sa dalan na iyan.

Isaias 8:21

Maglalagalag an mga tawo sa daga, manluluya an boot ninda asin magugutom sinda. Sa saindang pagkagutom saka kaanggotan, mamaldisyonon ninda an saindang hade patin an saindang Dios. Matingkalag sinda sa langit

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Jeremias 13:16

Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 8:15

Naghanap kita nin katoninongan, alagad mayo nin nangyari, asin nin aldaw nin pagpaomay, alagad an nag-abot katakotan.

Mga Panambitan 3:2

Padagos na inalaw niya ako pasiring sa kadikloman

Mga Panambitan 4:14

An saiyang mga lider nagkarapkarap sa mga tinampo siring sa mga buta, mga nadigtaan nin dugo, kaya mayong nangahas na magduta sainda.

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Mikas 1:12

An mga taga Marot may kahandalan na naghahalat nin tabang, huli ta an Kagurangnan nagdara nin kapahamakan sagkod sa trangkahan nin Jerusalem.

Habakkuk 1:13

Alagad paano mo natatagalan an mga mapasaluib saka maraot na lalaking ini? An saimong mga mata banal nin marahay kaya habo mong maghiling kan karatan, asin dai mo matatagalan na hilingon an mga tawong naggigibo nin maraot. Kaya tano ta mayo kang girong mantang ginagadan ninda an mga tawong orog pang matanos ki sa sainda?

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.