Isaias 59:6 - Marahay na Bareta Biblia

⁶ An hinabol nindong gubing hale sa lapat dai man nindo ikakasulot. An saindong mga gibo magbubunga nin karibokan asin kapahamakan.

Isaias 59:6 ပူးပေါင်းရင်းမြစ်များ

Genesis 6:11

alagad an ibang tawo maraot sa atubang nin Dios asin an daga napano kan saindang kadahasan.

An Libro ni Job 16:17

alagad dai ako nagkasala nin anoman na kadahasan, asin mayong pagsagin-sagin an sakong pamibi.

Salmo 55:11

Maski saen yaon an karatan; pang-aapi saka pandadaya dai nahahale sa saiyang mga dalan.

Salmo 58:2

Bako! Mga karatan an mukna kan saindong mga puso; dahas an gibo sa daga kan saindong mga kamot.

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 57:12

Naghohona kamong tama an saindong ginigibo, alagad ihahayag ko an saindong mga gawe, asin dai kamo matatabangan kan saindong mga dios-dios.

Isaias 58:4

Kun an saindong pag-ayuno minabunga nin mga pag-iriwal, sa paghona nindo dadangogon ko an saindong mga pamibi?

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Jeremias 6:7

Siring na an bubon dai nag-oontok sa pagtao nin preskong tubig, an Jerusalem dai man nag-oontok sa paggibo nin karatan. Kadahasan asin pagkaraot an nadadangog ko sa laog kan syudad; gabos na sanang helang saka lugad an sakong nahihiling.

Ezekiel 18:12

Dinadaya niya an mga dukha, nanghahabon siya asin dai niya ipinupuli an isinangra kan nag-utang saiya. Nagduduman siya sa mga paganong altar asin nagsasamba sa makauuyam na mga dios-dios,

Ezekiel 7:11

An kadahasan nagbubunga nin orog na katampalasanan. Mayo nin matatada sa saindang pagsadiri, ni sa saindang kayamanan, kaomawan asin kamurawayan.

Ezekiel 7:23

“Maribong an gabos—an daga pano nin panggagadan asin an mga syudad pano nin kadahasan.

Ezekiel 9:9

Nagsimbag an Dios, “Dakula nin marahay an kasalan kan mga tawo sa Israel asin Juda; an daga pano nin dugo asin an syudad pano nin inhustisya. Nagsasabi sinda, ‘Pinabayaan nin Kagurangnan an satong daga asin dai niya kita mahihiling!’

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Amos 6:3

Habo nindong akoon na maabot an aldaw nin kasakitan, alagad hinihidali nindo an pag-abot kaiyan huli kan saindong mga ginigibo.

Mikas 2:8

Nagsisimbag an Kagurangnan, “Sinasalakay nindo an sakong banwaan siring sa mga kaiwal. Minapuruli an mga lalaki hale sa pakilaban, naghohona na ligtas sinda sa saindang harong, alagad yaon kamo duman, naghahalat tanganing habonon an saindang gubing.

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.

Sofonias 1:9

Papadusahan ko an gabos na nagsasamba siring sa mga pagano, asin an nanghahabon saka nanggagadan tangani sanang panoon nin sinamsaman an harong nin saindang kagurangnan.

Sofonias 3:1

Herak man sa Jerusalem, idtong maraot saka rebeldeng syudad, na nang-aapi sa sadiri niyang mga namamanwaan.

Malakias 2:16

Nagsasabi an Kagurangnan Dios nin Israel, “Ikinakaongis ko an pagsuhayan nin mag-agom. Ikinakaongis ko iyan orog na kun an saro saindo minagibo kan makuring bagay na ini sa saiyang agom. Kaya mag-ingat kamo na dai nindo malapas an saindong panuga na magin maimbod sa saindong agom.”