Isaias 59:21 - Marahay na Bareta Biblia

²¹ Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Isaias 59:21 ပူးပေါင်းရင်းမြစ်များ

Salmo 119:43

Tugote akong magtaram kan katotoohan sa gabos na panahon, huli ta an sakong paglaom yaon sa saimong paghukom.

Exodo 4:15

Kaolayon mo siya asin sabihan mo kan dapat niyang itaram. Pareho ko kamong tatabangan sa pagtaram asin tutukdoan kan saindong gigibohon.

Mga Talinhaga 7:3

Ibugkos mo iyan sa saimong mga muro asin isurat mo sa saimong puso.

Isaias 32:15

Alagad ipapadara giraray nin Dios sato an saiyang espiritu. An kalangtadan magigin sarong matubang na daga, asin an kaomahan mamumunga nin dakul na ani.

Isaias 40:8

Iyo, naluluyos an mga doot asin nawawara an mga burak, alagad an tataramon nin satong Dios magdadanay sagkod lamang.”

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Isaias 51:16

Ako an nag-unat kan kalangitan asin an nagbugtak kan pundasyon kan kinaban; sinasabihan ko an Jerusalem, ‘Ika an sakong banwaan! Tinawan taka kan sakong katukdoan, asin kamot ko an nag-iingat sa saimo.’”

Isaias 54:10

Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Isaias 55:11

Siring man an tataramon na sakong sinasabi— dai iyan mabalik sako na mayo nin bunga; gigibohon kaiyan an gabos na sakong ipinapagibo.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Isaias 57:19

Makikipagtoninong ako sa gabos, nasa harani man sinda o nasa harayo! Papaomayan ko an sakong banwaan.

Isaias 66:22

“Siring na an bagong kalangitan saka an bagong kinaban magdadanay huli sa sakong kapangyarihan, magdadanay man an saindong mga kapagarakian saka ngaran.

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Juan 1:33

Dai ko siya midbid, alagad an Dios na nagsugo sako na magbunyag sa tubig nagsabi sako, ‘An hiligan kan Espiritu Santo asin ontokan kaiyan, iyo an mabunyag sa Espiritu Santo.’

Juan 17:8

Itinukdo ko sainda an gabos na nanodan ko saimo, asin inako ninda. Aram man ninda na ako totoong gikan saimo, saka nagtutubod sinda na sinugo mo ako.

Juan 3:34

Huli ta an sinugo nin Dios nagtataram kan mga tataramon nin Dios; dai sinusukol an pagtao nin Dios kan saiyang Espiritu.

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”

Juan 7:39

Sinabi niya ini manongod sa Espiritu na aakoon kan mga minatubod saiya. Sa panahon na idto dai pa itinatao an Espiritu, huli ta dai pa pinagmuraway si Jesus.

Juan 8:38

Itinataram ko an ipinahiling sako kan sakong Ama; alagad ginigibo nindo an nadangog nindo sa saindong ama.”

Roma 11:27

Ini an magigin tipan ko sainda, kun paraon ko na an saindang mga kasalan.”

Roma 8:9

Alagad dai kamo namumuhay sa laman kundi sa Espiritu, kun talagang an Espiritu nin Dios yaon saindo. An siisay man na mayo kan Espiritu ni Cristo bakong sadiri ni Cristo.

2 Corinto 3:8

bako daw orog pa an liwanag kun itao an Espiritu?

Hebreyo 10:16

“Ini an tipan na gigibohon ko sainda pakatapos kan mga aldaw na idto, an sabi nin Kagurangnan: Ibubugtak ko an sakong mga katogonan sa saindang mga puso, isusurat ko an mga iyan sa saindang mga isip.”