Isaias 59:2 - Marahay na Bareta Biblia

² Dai niya kamo dinadangog huli kan saindong mga kasalan. An saindong mga kasalan an nagsisiblag saindo sa Dios.

Isaias 59:2 ပူးပေါင်းရင်းမြစ်များ

Mga Talinhaga 15:29

Dinadangog nin Kagurangnan an pamibi kan matanos, alagad dai niya dinadangog an maraot.

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Isaias 58:4

Kun an saindong pag-ayuno minabunga nin mga pag-iriwal, sa paghona nindo dadangogon ko an saindong mga pamibi?

Jeremias 5:25

An saindong mga kasalan iyo an nag-olang tanganing dai nindo makamtan an mga marahay na bagay na ini.

Mga Panambitan 1:8

An Jerusalem nagkasala nin makuri, kaya siya nagin maati. Ikinakauyam siya ngunyan kan gabos na dating nag-omaw saiya, huli ta nahiling ninda an saiyang pagkanihuba; nag-aagrangay siya asin nagtatahob kan saiyang lalawogon.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Josue 7:11

Nagkasala an Israel! Linapas ninda an sakong tipan na ipinagboot ko sainda. Nagkua sinda kan mga bagay na ipinagboot kong suloon. Hinabon ninda iyan, nagputik manongod kaiyan, asin tinago kaiba kan saindang mga kagamitan.

1 Samuel 4:3

Kan makabalik sa kampo an mga nagkatarada, nagsarabi an kamagurangan nin Israel, “Tadaw ta itinugot nin Kagurangnan na madaog kita ngunyan na aldaw kan mga Filisteo? Magduman kita sa Shilo asin kuahon ta an Kaban nin Tipan nin Kagurangnan tanganing ibahan niya kita asin iligtas sa satong mga kaiwal.”