Isaias 59:10 - Marahay na Bareta Biblia

¹⁰ Nagkakapkap kami siring sa mga buta. Nagkakadarasmag kami maski odto, na garo iyan banggi, na garo yaon kami sa madiklom na kinaban kan mga gadan.

Isaias 59:10 ပူးပေါင်းရင်းမြစ်များ

An Libro ni Job 5:14

maski odto nagkapkap sinda sa kadikloman.

Mga Talinhaga 4:19

An dalan kan mga tampalasan madiklom siring sa banggi. Natutumba sinda alagad dai ninda nahihiling kun ano an saindang nasingkogan.

Isaias 28:13

Kaya tutukdoan kamo nin Kagurangnan kan lambang letra, linya, saka adal. Dangan madadalinas kamo sa lambang lakad na gibohon nindo. Malulugad, masisiod, asin mabibihag kamo.

Isaias 8:14

Huli kan sakuyang makangangalas na kabanalan, arog ako sa sarong gapo na nasisingkogan nin mga tawo; arog ako sa sarong siod na madakop sa mga tawo kan kahadean nin Juda saka Israel asin sa mga taga Jerusalem.

Isaias 8:15

Dakul an masisingkog; matutumba sinda asin maroronot. Madadakop sinda sa sarong siod.”

Jeremias 13:16

Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Mga Panambitan 3:6

Pinaerok niya ako sa kadikloman arog sa sarong tawong haloy nang gadan.

Mga Panambitan 4:14

An saiyang mga lider nagkarapkarap sa mga tinampo siring sa mga buta, mga nadigtaan nin dugo, kaya mayong nangahas na magduta sainda.

Ezekiel 21:15

An espadang iyan nakakapaluya kan boot kan sakuyang banwaan asin nakakapatumba sainda. An saindang syudad hinuhomaan ko nin sarong espada na nagsisilyab siring sa kikilat asin andam sa paggadan.

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Mikas 3:6

“Mga propeta, harani na an saindong kataposan; madali nang magsolnop an aldaw para saindo. Dai na kamo magkakaigwa nin mga bisyon, huli ta linagalag nindo an sakong banwaan, asin dai na kamo makakahula.”

Juan 12:35

Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Juan 12:40

“Binuta sinda nin Dios, pinatagas niya an saindang mga payo, tanganing dai sinda makahiling, asin dai sinda makasabot, patin dai makabalik sako, nganing paomayan ko sinda.”

Deuteronomio 28:29

Sa liwanag nin kaodtohan, makapkap kamo siring sa sarong buta. Dai kamo mauswag sa ano man na trabaho nindo. Padagos kamong aapihon saka hahabonan asin mayo nin siisay man na matabang saindo.

1 Juan 2:11

Alagad an naoongis sa saiyang tugang nabubuhay sa kadikloman; naglalakaw siya sa kadikloman asin dai niya aram kun saen siya maduman, huli ta binuta siya kan kadikloman.