Isaias 58:7 - Marahay na Bareta Biblia

⁷ Hirasan nindo nin pagkakan an mga nagugutom asin pasakaton nindo sa saindong mga harong an mga dukhang mayo nin harong. Tawan nindo nin gubing an mga mayo, asin dai kamo magsayuma sa pagtabang sa saindong mga kadugo.

Isaias 58:7 ပူးပေါင်းရင်းမြစ်များ

Genesis 19:14

Kaya dinuman ni Lot an mga lalaking gustong mag-agom kan duwa niyang daraga asin sinabihan, “Maghale tolos kamo digdi; tutunawon nin Kagurangnan an syudad na ini.” Alagad an mga ini naghona na nagkakalwag sana si Lot.

Genesis 19:2

dangan nagsabi, “Mga kagurangnan ko, nakikimaherak akong mag-ontok ngona kamo sa harong ko; hanawan nindo an saindong bitis asin magpahingalo kamo. Dangan, pwede kamong magmatang amay asin magpadagos sa paglakaw.” Nagsimbag sinda, “Dai na; sa tinampo na sana kami mapaaga.”

2 Mga Cronica 28:15

Nagtindog an apat na lalaking nasambit dangan nagkua nin mga gubing sa sinamsam asin ginubingan an mga hubang bihag, tinawan nin sandalyas, kakanon saka inomon asin linahidan nin lana an mga lugad. An mga pinanluluya ilinunad ninda sa mga asno dangan dinara sa saindang mga kadugo sa Jerico, an syudad nin mga palma. Dangan an gabos na Israelita nagpuli sa saindang mga harong sa Samaria.

Nehemias 5:5

An samong rasa pareho man kan rasa kan kapwa mi Judio; an samong mga aki pareho man kan saindang mga aki. Alagad napipiritan kaming ipaoripon an samong mga aki. An nagkapira ming aking babae ipinabakal na bilang mga oripon. Mayo kaming magiginibo kaini huli ta kinua na kan iba an samong mga oma saka mga ubasan.”

An Libro ni Job 22:7

Dai mo pinainom nin tubig an mga napapagal, asin dai mo pinakakan an mga nagugutom.

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Mga Talinhaga 11:17

An tawong maboot napapakarahay, alagad an makuri nagraraot kan sadiri niyang buhay.

Mga Talinhaga 22:9

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Mga Talinhaga 24:11

Dai ka magduwa-duwa sa pagligtas sa tawong gagadanon na mayo nin sala.

Mga Talinhaga 25:21

Kun nagugutom an saimong kaiwal, pakakana siya; kun siya napapaha painoma siya.

Mga Talinhaga 28:27

An nagtatao sa mga dukha dai magkukulang, alagad an nagbibinuta sa saindang kamugtakan mamaldisyonon.

Isaias 58:10

kun tawan nindo nin pagkakan an mga nagugutom saka tawan kan saindang kaipuhan an mga mayong sukat, dangan an nakapalibot saindong kadikloman magigin siring sa liwanag nin kaodtohan.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Ezekiel 18:16

dai nang-aapi o nanghahabon. Ipinupuli niya an isinangra kan nag-utang saiya. Pinapakakan niya an nagugutom asin ginugubingan an huba.

Ezekiel 18:7

Dai siya nandadaya o nanghahabon sa kiisay man. Ipinupuli niya an bagay na isinangra kan nag-utang saiya; pinapakakan niya an nagugutom asin ginugubingan an mga huba.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

Lukas 19:8

Nagtindog si Zakeo saka nagsabi ki Jesus, “Kagurangnan, itatao ko sa mga dukha an kabanga kan mga rogaring ko asin kun may nadaya ako, duwang doble an ibabayad ko saiya.”

Lukas 3:11

Sinimbag sinda ni Juan, “An igwa nin duwang gubing, itao an saro sa mayo; siring man an gibohon kan may kakanon, tawan an mayo.”

Mga Gibo 16:15

Nagpabunyag siya saka an saiyang pamilya. Pakatapos, inalok niya kami, “Kun ako minimidbid nindong tunay na paratubod sa Kagurangnan, duman na kamo sa harong magdagos.” Dai mi siya nasayumahan.

Mga Gibo 16:34

Pakatapos, ipinag-iba niya sinda sa saiyang harong asin pinakakan sinda. Naogma siya asin an saiyang pamilya, huli ta nagtubod na sinda sa Dios.

Roma 12:13

Tabangan nindo an mga banal sa saindang mga pangangaipo; padagoson nindo sa harong an mga taga ibang lugar.

Deuteronomio 22:1

“Kun mahiling nindo na nakabutas an baka o karnero kan saindong kapwa Israelita, dai kamo magpabaya; dakopon nindo an hayop asin ipuli saiya.

1 Timoteo 5:10

Laen pa kaiyan, dapat igwa siya nin marahay na dangog sa gibong karahayan: marahay an pagpadakula kan saiyang mga aki, nagpasakat nin dayuhan sa saiyang harong, naghanaw kan mga bitis kan mga banal, nagtaong kaginhawahan sa mga nagtitios, saka nagdusay kan saiyang buhay sa paggibo nin karahayan.

Filemon 1:7

An saimong pagkamoot, namomotan na tugang, nagtao sako nin dakulang kaogmahan saka karangahan, huli ta pinaogma mo an puso kan mga banal.

Hukom 9:2

na hapoton an kalalakihan sa Shekem, “Arin an marahay saindo: an maglingkod sa setentang mga aking lalaki ni Gideon o sa saro sana? Giromdomon nindo na si Abimelec saindong laman asin dugo.”