Isaias 58:3 - Marahay na Bareta Biblia

³ Naghahapot an mga tawo, “Tadaw ta mag-aayuno kami? Dai man iyan nahihiling kan Kagurangnan. Tadaw ta dai kami magkakan kun dai man niya iyan papahalagahan? An Kagurangnan nagsasabi sainda, “Sa katotoohan, mantang nag-aayuno kamo, padagos nindong hinahanap an kaogmahan asin inaapi nindo an saindong mga trabahador.

Isaias 58:3 ပူးပေါင်းရင်းမြစ်များ

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Nehemias 5:7

Pinaghorophorop ko ini asin sinagwe ko an mga lider saka mga opisyal. Sinabihan ko sinda, “Inaapi nindo an saindong mga tugang!” Nag-apod ako nin sarong dakulang pagtiripon laban sainda,

An Libro ni Job 34:9

Nagsasabi siyang, mayo nanggad nin pakinabang an tawo kun siya magsunod sa kabotan nin Dios.

Salmo 69:10

Kan ako nagpakumbaba huli sa pag-ayuno, tinuya-tuya ako kan mga tawo.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 22:13

Alagad, nagngisi kamo asin nag-ogma. Nagbuno kamo nin karnero saka baka tanganing kakanon, asin nag-inom kamo nin arak. Nagsabi kamo, “Magkakan kita asin mag-inom, huli ta sa aga magagadan kita.”

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 16:31

An aldaw na iyan sarong sabbath para sainda; aldaw iyan nin pag-ayuno asin pagpahingalo. An mga pagsusundon na ini kaipuhan na kuyogon sa gabos na panahon.

Malakias 3:14

Nagsabi kamong, ‘Mayong pakinabang an paglingkod sa Dios. Ano an halaga kan pagsunod sa sinasabi niya o an pagpahiling sa Kagurangnan nin mga hukbo na kita nagmomondo huli kan ginibo ta?

Mga Bilang 23:4

asin tinupar siya nin Dios. Sinabihan ni Balaam an Dios, “Nagpaandam ako nin pitong altar asin nagdolot ako nin sarong torong baka saka sarong lalaking karnero sa lambang altar.”

Lukas 15:29

Alagad sinabihan niya an saiyang ama, ‘Hilinga man daw, pinaglingkodan taka sa haloy na panahon, asin dai ko linapas an saimong kabotan, alagad ano man lamang an itinao mo sako? Mayo, maski sarong sadit na kanding tanganing mag-ogma ako kaiba kan sakong mga katood!