Isaias 58:12 - Marahay na Bareta Biblia

¹² Papatindogon giraray nindo an haloy nang nagkararaot na mga edipisyo sa dati kaining pundasyon. Mimidbidon kamo bilang mga tawong naghirahay kan mga kudal, mga tawong nagpakarhay kan raot na mga harong.”

Isaias 58:12 ပူးပေါင်းရင်းမြစ်များ

Nehemias 2:17

Alagad ngunyan sinabihan ko sinda, “Nahiling nindo an kasakitan ta ngunyan huli ta rumpag pa an Jerusalem asin raot pa an mga trangkahan kaini! Kaya, patindogon ta giraray an kudal kan syudad tanganing matapos na an satuyang kasosopgan.”

Nehemias 2:5

dangan nagsabi ako sa emperador, “Kun pagmarahayon mo, asin kun nawilihan mo ako, tugotan mo akong magduman sa Juda, sa syudad na namumugtakan kan mga lulubngan kan sakong mga ginikanan, tanganing patindogon ko giraray an syudad.”

Nehemias 6:1

Nabaretaan ni Sanballat, ni Tobias, ni Gesem na Arab, asin kan gabos nyamong kaiwal na natapos mi na an paghirahay kan kudal saka mayo na ini nin mga labot, maski dai pa nyamo ikinabugtak an mga trangkahan.

An Libro ni Job 3:14

nagkakatorog siring sa mga hade asin mga parahatol kan kinaban, na nagpatindog giraray kan suanoy na mga erokan.

Isaias 30:13

Nagkasala kamo. Nakakaagid kamo sa sarong halangkaw na kudal na igwa nin gatak magpoon sa itaas sagkod sa ibaba; madali na kamong magaba.

Isaias 44:28

Sinasabihan ko si Ciro, ‘Ika an maghahade para sa sako; gigibohon mo an boot kong ipagibo saimo: ipagboboot mong pakarhayon an Jerusalem asin ibugtak an pundasyon kan Templo.

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 52:9

Pagkurahaw kamo sa kaogmahan, kamong nagkagarabang lugar nin Jerusalem! Huli ta ililigtas nin Kagurangnan an saiyang syudad asin rarangahon niya an saiyang banwaan.

Isaias 61:4

Papakarhayon ninda an mga syudad na haloy nang nagkararaot.

Jeremias 31:38

“Maabot an panahon,” an sabi nin Kagurangnan, “na itutugdok giraray an Jerusalem bilang syudad ko, magpoon sa Tore nin Hananel sagkod sa Kantong Trangkahan.

Ezekiel 13:5

Dai ninda binabantayan an mga narumpag na kabtang kan kudal ni hinihirahay iyan tanganing madepensahan an Israel pag-abot kan gera sa aldaw nin Kagurangnan.

Ezekiel 36:33

Ini an itinataram nin Kagurangnan Dios, “Sa aldaw na linigan ko na kamo kan gabos nindong kasalan, tutugotan ko kamong mag-erok giraray sa saindong mga syudad asin maghirahay kan mga nagkararaot.

Ezekiel 36:4

Kaya ini an itinataram ko, an Kagurangnan Dios, sa saindo, mga bukid saka mga bulod, mga ampas saka mga kapantayan, mga lugar na mamondo saka mga syudad na mayo nang nag-eerok, na sinamsaman asin pinagtuyatuya kan gabos na nasyon sa palibot.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Mikas 7:11

Mga taga Jerusalem, nagdadangadang na an panahon kan pagpakarahay kan kudal kan saindong syudad. Sa panahon na iyan, papadakulaon an saindong teritoryo.