Isaias 57:4 - Marahay na Bareta Biblia

⁴ Siisay an saindong pinag-oolog-olog? Kamong mga putikon, siisay an saindong pinagngingisihan?

Isaias 57:4 ပူးပေါင်းရင်းမြစ်များ

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Salmo 22:13

Minanganga sinda kan ngoso atubang sako, garo mga leon na nag-uungal asin nagroronot sako.

Salmo 22:17

Mabibilang ko an gabos kong tulang, hinihiling ninda ako nin matang nanunuyatuya.

Salmo 22:7

Inoolog-olog kan mga nakakahiling sako; nagtutuyatuya sinda na nagtatango-tango kan payo,

Salmo 35:21

Buka an ngoso, minapahayag sinda tumang sako, “Totoo! Totoo! Nahiling mi na ika an naggibo.”

Salmo 69:12

Linilibak ako kan mga nagtutukaw sa may trangkahan; an mga awit kan mga burat ako an pinapatamaan.

Exodo 9:17

Alagad mapaabaw-abaw ka pa sagkod ngunyan asin habo mo pang tugotan na humale an sakong banwaan.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 30:9

Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Isaias 48:8

Aram kong dai kamo pwedeng paniwalaan, asin poon sa pagkamundag inapod na kamong mga matumang. Iyan an dahelan kun tadaw ta dai pa nindo nadangog an siring kaini, kun tadaw ta dai pa saindo kaiyan nin nakapagsabi.

Isaias 57:5

Sinasamba nindo an mga dios-dios huli sa pakikidorog sa tangod kan sagrado nindong mga kahoy. Idinodolot nindo an saindong mga aki bilang sakripisyo sa mga magapong lungib na harani sa mga sapa.

Jeremias 20:8

Kun ako minataram, kaipuhan kosogon ko an sakong tingog saka kumurahaw, “Kadahasan! Pagkagaba!” Kagurangnan, tinutuyatuya ako asin dinudusta sa gabos na panahon huli ta ipinapahayag ko an saimong tataramon.

Ezekiel 2:4

Matagas an saindang payo asin dai ninda ako ginagalangan, kaya sinusugo taka tanganing sabihan sinda na ini an tataramon ko, an Kagurangnan Dios.

Oseas 10:9

Nagsasabi an Kagurangnan, “Dai nag-ontok sa pagkasala an banwaan nin Israel laban sako poon pa kan magkasala sinda sa Gibea. Kaya aaboton sinda nin gera sa Gibea.

Mga Bilang 16:11

Kun minareklamo kamo ki Aaron, sa katunayan minareklamo kamo sa Kagurangnan.”

Mateo 13:38

an oma iyo an kinaban. An marahay na banhi iyo an mga tawong kaayon sa Kahadean; an mga doot iyo an mga tawong kaayon kan Maraot.

Mateo 27:29

Naggibo sinda nin sarong korona nin sangang matonok asin ikinorona saiya; dangan pinakapotan ninda sa saiyang toong kamot an sarong badas; nagluhod sinda sa atubangan niya saka pinagtuya-tuya siya, “Mabuhay an Hade kan mga Judio!”

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

Efeso 5:6

Dai kamo magpadaya sa kiisay man na nagsasabi kan mga bagay na mayo nin kahulogan; an mga bagay na iyan an dahelan kan pag-abot kan kaanggotan nin Dios sa mga dai nagkukuyog saiya.

Colosas 3:6

Huli kan mga bagay na ini maabot an makuring padusa nin Dios (sa mga dai nagkukuyog saiya).

Josue 10:21

Dangan ligtas na nagbalik sa kampo sa Makkeda an gabos na soldados ni Josue. Mayo nin siisay man sa daga na nangahas na magtaram laban sa mga Israelita.

2 Pedro 2:13

babayadan ninda nin kasakitan an mga kasakitan na ginibo ninda sa iba. Ikinakaogma ninda an pagsunod sa anoman na kamawotan kan saindang hawak maski sa kaliwanggan nin aldaw; makasosopog asin makawawara nin onra na makisabay sinda saindo na magkakan, mantang naoogma sinda sa mga pagdaya ninda!