Isaias 57:3 - Marahay na Bareta Biblia

³ Alagad madya digdi, kamo na mga parakasala! Dai kamong kalaenan sa mga parakulam, mga parasambay asin mga maraot na babae.

Isaias 57:3 ပူးပေါင်းရင်းမြစ်များ

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 45:20

Nagsasabi an Kagurangnan, “Magtiripon kamo asin madya, mga namamanwaan kan mga nasyon, kamo gabos na nagkatarada kan marumpag an imperyo; dumolok kamo sa hukoman! An mga tawong nagpaparada kaiba an saindang mga ladawan na kahoy asin namimibi sa mga dios-dios na dai makakaligtas sainda— an mga tawong iyan mayong naaaraman!

Isaias 48:16

“Ngunyan dumolok kamo sako asin dangoga an sakong sinasabi. Poon sa kapinonan dai ako nagtaram sa hilom, asin pinapangyari ko an sakong mga tataramon.” (Asin ngunyan itinao sako nin Kagurangnan Dios an saiyang kapangyarihan dangan sinugo niya ako.)

Isaias 57:7

Minasakat kamo sa haralangkaw na bukid tanganing magdolot nin mga sakripisyo asin magdororogan.

Isaias 58:2

Sinasamba ninda ako aroaldaw, asin sinasabi nindang boot nindang maaraman an sakong mga dalan saka mga pagboot. Sinasabi nindang boot nindang tawan ko sinda nin matanos na mga pagboot asin naoogma sinda sa pagsamba sako.”

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Jeremias 3:9

Dai man lamang niya ikinasopog an saiyang gibo. Dinigtaan niya an daga, dangan nagkasala siya nin adulteryo sa pagsamba sa mga gapo asin mga kahoy.

Oseas 1:2

Kan an Kagurangnan enot na magtaram sa Israel sa paagi ni Oseas, sinabihan niya ini, “Lakaw dangan mag-agom ka; an agom mo magigin bakong maimbod saimo, asin an mga aki mo magigin arog man saiya. Sa parehong paagi binayaan ako kan sakong banwaan asin dai sinda nagin maimbod sako.”

Oseas 2:4

Dai ko maheherakan an saiyang kaakian; mga aki sinda nin sarong mayong sopog na maraot na babae. Siya man sana an nagsabing, “Maduman ako sa mga lalaking namomoot sako—tinatawan ninda ako nin pagkakan saka tubig, telang lana asin lino, lana nin oliba saka arak.”

Oseas 2:6

Kaya kukudalon ko siya nin matonok na mga tinanom asin matugdok ako nin kudal na maolang kan saiyang agihan.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mateo 12:34

Mga rimoranon! Paano kamong makataram nin mga marahay na bagay, na kamo mga maraot? Huli ta kun ano an nasa puso iyo an maluwas sa ngoso.

Mateo 16:4

An maraot asin daing-Dios na henerasyon naghahagad nin tanda, alagad mayong tanda na itatao sainda kundi an tanda ni Jonas.” Dangan binayaan niya sinda.

Mateo 23:33

Mga halas! Kapagarakian nin mga rimoranon! Paano kamong makakadulag sa padusa sa impyerno?

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Lukas 3:7

Kadakul na tawo an nagdolok ki Juan nganing magpabunyag. Sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.