Isaias 57:2 - Marahay na Bareta Biblia

² Nakakakua nin katoninongan saka kapahingaloan sa kagadanan an mga namumuhay na matanos.

Isaias 57:2 ပူးပေါင်းရင်းမြစ်များ

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

2 Mga Cronica 16:14

Ilinubong siya sa lulubngan na gapo na tinuki niya duman sa Syudad ni David. An saiyang bangkay inandam ninda para sa paglubong sa paagi nin pagbugtak nin manlaen-laen na pahamot; dangan nagtambak sinda nin igatong asin naggibo nin dakulang kalayo sa pagmondo kan saiyang pagkagadan.

An Libro ni Job 3:17

Sa lulubngan minaontok kan saindang karatan an maraot asin nagkakaigwa nin pahingalo an mga napapagal.

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Isaias 14:18

An gabos na hade kan kinaban nahuhutad sa saindang magagayon na lulubngan,

Isaias 26:7

Kagurangnan, pinatag mo an agihan kan mga matanos; pantay an dalan na saindang linalakawan.

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Ezekiel 32:25

Naghihigda siya kaiba kan mga nagadan sa gera, asin an saiyang lulubngan napapalibotan kan mga lulubngan kan saiyang mga soldados. An mga ini gabos bakong diosnon na tawo, na nagadan sa gera. Kan buhay pa sinda, tinakot ninda an daga kan mga nabubuhay, alagad ngunyan dara ninda sa lulubngan an kasosopgan kaiba kan mga nagkagaradan.

Daniel 12:13

“Ika, Daniel, magin maimbod ka sagkod sa kataposan. Magagadan ka, alagad mabangon ka tanganing akoon an balos sa kataposan kan panahon.”

Mateo 25:21

Nagsabi an kagurangnan, ‘Tama an ginibo mo, marahay asin maimbod na sorogoon! Nagin maimbod ka sa kadikit, kaya gigibohon takang parapamahala nin dakul. Madya asin makisumaro ka sa kaogmahan ko!’

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Lukas 16:22

Nagadan an dukha asin dinara siya kan mga anghel sa kataed ni Abraham. Nagadan man an mayaman saka ilinubong.

Lukas 2:29

“Kagurangnan, tugote nang magadan sa katoninongan an saimong sorogoon sosog sa saimong panuga,

Lukas 7:50

Sinabihan ni Jesus an babae, “An pagtubod mo iyo an nagligtas saimo; lakaw sa katoninongan.”

2 Corinto 5:1

Aram nyato na kun matunaw an erokan ta digdi sa daga na iyo an satong hawak, igwa nin erokan na nagdadanay sagkod lamang na gibo nin Dios, na saiyang tinatagama sato sa kalangitan.

2 Corinto 5:8

Makosog an samuyang boot; asin mas boot mi pang maghale sa hawak na ini nganing masa kaibahan nin Kagurangnan.

Filipos 1:23

Masakit para sako an pagpili sa duwang bagay na ini. Mawot ko nang bayaan an buhay na ini asin makaiba ki Cristo, ta iyan an pinakamarahay.

Kapahayagan 14:13

Dangan nadangog ko an sarong tingog hale sa langit na nagsasabi, “Isurat mo ini: Poon ngunyan, paladan an mga magagadan na naglilingkod sa Kagurangnan!” Nagsimbag an Espiritu, “Totoong paladan! Makakapahingalo na sinda sa saindang mga pagpagal, huli ta magsusunod sainda an mga bunga kan saindang mga gibo.”