Isaias 57:17 - Marahay na Bareta Biblia

¹⁷ Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Isaias 57:17 ပူးပေါင်းရင်းမြစ်များ

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.

Isaias 1:4

Nasyon na makasalan! Banwaan na pano nin karatan! Aki nin mga paragibo nin maraot; mga aking lalaki na an gibo kabikoan! Isinikwal ninda an Kagurangnan. An banal nin Israel, saindong binasang-basang; siya saindong tinalikodan.

Isaias 2:7

An saindang daga pano na nin plata saka bulawan, asin daing ontok an saindang pagyaman; an saindang daga pano na nin mga kabayo, asin dai na mabilang an saindang mga karwahe.

Isaias 42:24

Siisay an nagtao kan Israel sa mga parasamsam? Bakong an Kagurangnan mismo, na satong pinagkasalaan? Habo tang mamuhay sosog sa saiyang kabotan o magkuyog kan itinao niyang katukdoan.

Isaias 45:15

An Dios nin Israel, na nagliligtas kan saiyang banwaan, sarong Dios na dai nagpapahiling.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Isaias 64:9

kaya dai ka maanggot samo nin marahay asin dai mo paggiromdomon sagkod pa man an samong mga kasalan. Kami an saimong banwaan; maherak ka sa samo.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Isaias 8:17

Hahalaton ko an Kagurangnan, na nagtatago kan saiyang lalawogon sa saiyang banwaan, asin ibubugtak ko an sakong paglaom saiya.

Isaias 9:13

Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 3:22

Magbalik kamo gabos na nagtalikod sa Kagurangnan; bobolongon niya kamo saka gigibohon na mga maimbod. Nagsasabi kamo, “Madolok kami sa Kagurangnan, huli ta siya an samong Dios.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 51:13

An nasyon na idto igwa nin kadakul na salog saka kayamanan, alagad nag-abot na an saindang kataposan; sagkod na sana diyan an saindang buhay.

Jeremias 6:13

An lambang saro, poon sa kasaradayan sagkod sa haralangkaw na tawo, nandadaya tanganing yumanan. Nandadaya maski an mga propeta saka mga padi.

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Jeremias 8:6

Hininanyog ko kamo nin marahay alagad dai kamo nagsabi kan totoo. Mayo maski saro saindo nin nagsosolsol kan saiyang katampalasanan; mayo saindo nin naghahapot, ‘Anong kasalan an sakong ginibo?’ An lambang saro padagos sa sadiri niyang dalan, arog sa kabayo na pasiring sa ralaban.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

1 Timoteo 6:9

Alagad an mga boot yumaman nahuhulog sa sogot saka nasisiod sa dakul na mayong kahulogan saka nakakakulog na mga pagmawot, na minaguyod sainda sa karatan asin sa kapahamakan.

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!