Isaias 57:16 - Marahay na Bareta Biblia

¹⁶ Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Isaias 57:16 ပူးပေါင်းရင်းမြစ်များ

Genesis 6:3

Dangan nagtaram an Kagurangnan, “Dai ko tutugotan na mabuhay sagkod lamang an tawo; siya may kagadanan. Poon ngunyan, sagkod sana sa syento beynteng taon an magigin buhay niya.”

2 Samuel 24:16

Kan an Jerusalem na an raraoton kan anghel nin Kagurangnan, nagliwat siya nin isip dapit sa pagpadusa sa mga tawo. Tinaraman niya an anghel na nanggagadan kan mga tawo, “Ontok! Tama na!” An anghel yaon duman sa may ginikan ni Arauna na Jebuseo.

An Libro ni Job 12:10

Yaon sa Dios an buhay kan lambang linalang, asin an hinangos kan gabos na tawo.

Salmo 85:5

Maaanggot ka daw samo sagkod lamang? Papahaloyon mo daw an saimong kaanggotan sagkod sa gabos na kapagarakian?

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 30:18

Alagad naghahalat an Kagurangnan tanganing maherakan kamo. Paladan an mga nagsasarig sa Kagurangnan.

Isaias 42:5

Linalang nin Dios an kalangitan dangan biniklad niya iyan; siya an naggibo kan daga asin kan gabos na nag-eerok diyan; siya an nagtaong buhay saka hinangos sa gabos na katawohan. Ngunyan sinasabihan nin Kagurangnan Dios an saiyang sorogoon,

Isaias 64:8

Alagad ika an samong ama, Kagurangnan. Garo kami laboy, asin arog ka sa paragibo nin koron. Ika an naglalang samo,

Jeremias 10:24

Padusahan mo an saimong banwaan, O Kagurangnan, alagad kan maninigo sana samo. Giboha iyan bakong sa kaanggotan, huli ta tibaad iyan an magin samuyang kataposan.

Jeremias 3:5

Dai ka magdadanay na anggot; dai ka mauuyam sako sagkod lamang!’ Israel, iyan an saimong itinaram, alagad nakaya mong gibohon an gabos na karatan.”

Jeremias 38:16

Kaya hilom na nanuga sako si Hadeng Zedekias, “Minasumpa ako sa buhay na Dios, an Dios na nagtao sato nin buhay, na dai taka ipapagadan o itatao sa mga tawo na boot gumadan saimo.”

Ezekiel 18:4

Kapot ko an buhay nin lambang tawo, an buhay kan magurang asin kan aki. An tawong nagkakasala iyo an magagadan.

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Zacarias 12:1

Iyo ini an mensahe dapit sa Israel hale sa Kagurangnan, an Kagurangnan na nagbiklad kan kalangitan, naglalang kan kinaban, asin nagtao nin buhay sa tawo. Nagsasabi siya,

Mga Bilang 16:22

Alagad nagdapa sa daga si Moises saka si Aaron, dangan nagsabi, “O Dios na kagtao nin buhay sa gabos, kun nagkakasala an saro katawo, maaanggot ka daw sa bilog na komunidad?”

Hebreyo 12:9

Dinidisiplina kita kan satong mga ama sa daga kaya ginagalangan ta sinda. Ano pa daw kun kita magpasakop sa Ama na yaon sa langit ngani kitang mabuhay!