Isaias 57:14 - Marahay na Bareta Biblia

¹⁴ Nagsasabi an Kagurangnan, “Pabalika sako an sakong banwaan. Halea nindo an gabos na nakakaolang sa saindang agihan! Maggibo kamo asin mag-andam nin tinampo!

Isaias 57:14 ပူးပေါင်းရင်းမြစ်များ

Salmo 68:4

Mag-awit sa Dios, mag-awit nin pag-omaw sa saiyang ngaran. Andamon an dalan para sa naglulunad sa mga panganoron. Kagurangnan an saiyang ngaran, mag-ogma sa saiyang atubang!

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 40:3

Sarong tingog an nagkukurahaw, “Andama sa kalangtadan an dalan para sa Kagurangnan! Tanosa sa desyerto an sarong tinampo para sa satong Dios!

Isaias 49:11

“Magibo ako nin tinampo sa kabukidan asin maandam ako nin dalan na aagihan kan sakong banwaan.

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Roma 14:13

Kaya dai na kita maghukom sa kapwa. Kundi maghingowa nanggad na dai magin dahelan nin pagkasingkog o pagkasala kan sarong tugang.

1 Corinto 1:23

Alagad kami naghuhulit dapit ki Cristo na ipinako sa krus. Saro ining singkogan sa mga Judio, asin sarong kalolongan para sa mga pagano.

1 Corinto 8:13

Kaya kun an kakanon an magin dahelan kan pagkakasala kan sakong tugang, dai na nanggad ako makakan nin karne, ta tibaad ako an magin dahelan kan saiyang pagkasala.

1 Corinto 8:9

Alagad maglikay man giraray kamo ta tibaad sa pagkakan nindo nin anoman na kakanon makapakasala kamo sa mga maluya pa sa pagtubod.

2 Corinto 6:3

Naglilikay kaming makagibo nin anoman na ikakaolang nin siisay man, tanganing mayong makapagtaram nin maraot dapit kan samong ministeryo.

Hebreyo 12:13

Maglakaw kamo sa tanos na dalan, tanganing dai mag-orog an pagkapilay, kundi maomayan.