Isaias 56:9 - Marahay na Bareta Biblia

⁹ Sinabihan nin Kagurangnan an dayuhan na mga nasyon na magdolok siring sa mga lalaw na hayop tanganing kakanon an saiyang banwaan.

Isaias 56:9 ပူးပေါင်းရင်းမြစ်များ

Salmo 104:20

Ginibo mo an banggi, asin sa kadikloman minaluwas an gabos na hayop sa kadlagan.

Isaias 18:6

An bangkay kan saindang mga soldados magkakawaralat sa mga gamgam saka sa mga lalaw na hayop. Sa tig-init, kakakanon kan mga gamgam an saindang mga bangkay, asin sa tig-lipot, an mga lalaw na hayop an magibo kaiyan.”

Isaias 46:11

Inaapod ko an sarong lalaki na magdigdi hale sa sirangan; mananaklot siya siring sa sarong agila asin ootobon niya an sakong katuyohan. Ako an nagtaram, asin mangyayari iyan.

Jeremias 12:9

An sakong piniling banwaan garo sarong gamgam na pinalibotan kan nagsasalakay na mga agila. Padigdiha an mga lalaw na hayop; tanganing magsabay sa pagkakan kan bangkay niya!

Jeremias 23:1

Makatatakot nanggad an padusa nin Kagurangnan sa mga pamayo na nagraraot saka nagwawarak kan saiyang banwaan!

Ezekiel 29:5

Ika asin an mga sira itatapok ko sa kalangtadan. An hawak mo mabagsak sa daga, babayaan diyan asin dai ilulubong. Itatao ko iyan sa mga gamgam saka mga hayop bilang kakanon.

Ezekiel 39:17

Nagtaram sako an Kagurangnan Dios, “Aki nin tawo, apodon mo an gabos na klase nin gamgam saka hayop tanganing magdigdi hale sa gabos na direksyon, tanganing kakanon an sakripisyo na inaandam ko para sainda. Saro iyan na dakulang bangkete sa kabukidan nin Israel, saen makakan sinda nin laman asin mainom nin dugo.

Deuteronomio 28:26

Kun garadan na kamo, an saindong mga bangkay kakakanon kan mga gamgam asin mga lalaw na hayop, asin mayong maalaw sainda.