Isaias 56:4 - Marahay na Bareta Biblia

⁴ An Kagurangnan nagsasabi sa siring na tawo, “Kun ginagalangan mo ako huli sa pag-otob kan Sabbath, kun ginigibo mo an nawiwilihan ko asin kun maimbod mong inootob an sakong tipan,

Isaias 56:4 ပူးပေါင်းရင်းမြစ်များ

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

Salmo 119:111

An saimong mga togon iyo an sakong pamana sagkod lamang; iyan an kaogmahan kan sakong puso.

Salmo 25:10

Pagkamoot asin kaimbodan an gabos niyang dalan, para sa mga nag-ootob kan saiyang tipan saka kabotan.

Isaias 27:5

Alagad kun mawot kan mga kaiwal kan sakong banwaan an sakong pagsurog, makipagtoninong sinda sako. Iyo, makipagtoninong sinda sako.”

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Isaias 56:2

Bebendisyonan ko an mga danay na nag-ootob kan Sabbath asin dai nagbabasang-basang kaiyan. Bebendisyonan ko an mga dai naggigibo nin maraot.”

Isaias 56:6

An Kagurangnan nagsasabi sa mga dayuhan na nagin kabtang na kan saiyang banwaan, na namomoot saka naglilingkod saiya, na nag-ootob kan Sabbath asin maimbod na nag-ootob kan saiyang tipan:

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Jeremias 50:5

Mahapot sinda kan dalan pasiring sa Sion saka maduman sinda tanganing makisumaro sako sa sarong tipan na mayo nin kasagkoran saka dai nanggad malilingawan.

Lukas 10:42

alagad saro sanang bagay an kaipuhan. Napili ni Maria an mas marahay, asin dai iyan hahaleon saiya.”

Hebreyo 6:17

Inibahan nin Dios nin sumpa an saiyang panuga, huli ta boot niyang ipahiling nin malinaw sa mga maako kan pamana na ipinanuga sainda, na andam siyang mag-otob nanggad kan panugang iyan.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”