Isaias 56:2 - Marahay na Bareta Biblia

² Bebendisyonan ko an mga danay na nag-ootob kan Sabbath asin dai nagbabasang-basang kaiyan. Bebendisyonan ko an mga dai naggigibo nin maraot.”

Isaias 56:2 ပူးပေါင်းရင်းမြစ်များ

Nehemias 13:17

Inanggotan ko an mga lider nin Juda asin sinabihan, “Ano ining karatan na ginigibo nindo? Dai nindo pinapabanal an Sabbath!

Salmo 106:3

Paladan an mga nag-ootob kan saiyang kabotan, an danay na naggigibo nin katanosan.

Salmo 112:1

Omawon an Kagurangnan! Paladan an tawong may pagkatakot sa Kagurangnan, na naoogma sa pagkuyog kan saiyang mga kabotan.

Salmo 119:101

An lambang maraot na gawe sakong linilikayan, tanganing maotob ko an saimong tataramon.

Salmo 128:1

Paladan an tawong may pagkatakot sa Kagurangnan; na naglalakaw sa saiyang mga dalan.

Salmo 34:14

Talikdan an karatan asin maggibo nin karahayan; hingowahon na makamtan an katoninongan.

Salmo 37:27

Talikodan an karatan asin maggibo nin karahayan, tanganing padagos na mag-erok sa daga an saindong kapagarakian.

Exodo 20:10

alagad an ikapitong aldaw, sarong aldaw nin pahingalo na talaan para sako. Sa aldaw na iyan, mayo nin siisay man saindo na magtrabaho—kamo, an saindong mga aki, an saindong mga oripon, an saindong mga hayop o an mga dayuhan na nag-eerok sa saindong banwa.

Exodo 20:8

“Giromdoma nindo an Sabbath asin pakabanala nindo iyan.

Mga Talinhaga 14:16

An Tawong madonong maingat asin minalikay sa karatan, alagad an lolong mayo nin pag-ingat asin mayo nin pagpupugol sa sadiri.

Mga Talinhaga 16:17

An dalan kan matanos paharayo sa karatan; an nag-iingat sa paglakaw, nag-iingat man kan saiyang buhay.

Mga Talinhaga 16:6

Pinapatawad an kasalan huli sa kaimbodan, asin malilikayan nin tawo an karatan huli sa pagkatakot sa Kagurangnan.

Mga Talinhaga 4:13

Pugolan mo an katukdoan, asin dai mo pagbutasan; bantayan mo siya, huli ta siya an saimong buhay.

Mga Talinhaga 4:27

Likayan mo an karatan asin magpadagos ka sa matanos na paglakaw. Dai ka magliko sa wala o sa too.

Parahulit 7:18

Likayan mo an duwang kasobrahan na ini. Kun may pagkatakot ka sa Dios, magigin mauswag ka.

Isaias 56:4

An Kagurangnan nagsasabi sa siring na tawo, “Kun ginagalangan mo ako huli sa pag-otob kan Sabbath, kun ginigibo mo an nawiwilihan ko asin kun maimbod mong inootob an sakong tipan,

Isaias 56:6

An Kagurangnan nagsasabi sa mga dayuhan na nagin kabtang na kan saiyang banwaan, na namomoot saka naglilingkod saiya, na nag-ootob kan Sabbath asin maimbod na nag-ootob kan saiyang tipan:

Isaias 58:13

An Kagurangnan nagsasabi, “Kun galangan nindo an Sabbath bilang sagradong aldaw, asin dai kamo maggibo kan saindong nawiwilihan sa aldaw na iyan; kun pahalagahan nindo an sakong banal na aldaw asin galangan nindo iyan sa paagi kan dai pagbyahe, pagtrabaho, o pagtaram nin mga mayong kahulogan,

Ezekiel 20:12

Pinaotob ko sainda an Sabbath bilang tanda kan samong tipan, tanganing pagiromdomon sinda na ako, an Kagurangnan, iyo an nagpapabanal sainda.

Ezekiel 20:20

Pakabanala nindo an Sabbath, tanganing magin tanda iyan kan tipan na ginibo nyato asin magpapagiromdom saindo na ako an Kagurangnan na saindong Dios.

Levitico 19:30

Otobon nindo an Sabbath, asin galangan nindo an lugar na pinagsasambahan sako. Ako an Kagurangnan.

Lukas 11:28

Alagad nagsimbag si Jesus, “Orog na paladan an mga nagdadangog kan tataramon nin Dios asin nag-ootob kaiyan!”

Lukas 12:43

Paladan an siring na sorogoon na maabotan na nag-ootob kan trabahong itinao saiya pagpuli kan kagurangnan niya!

Juan 13:17

Kun nasasabotan na nindo an mga bagay na ini, paladan kamo kun saindong gibohon.

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.