Isaias 56:12 - Marahay na Bareta Biblia

¹² ‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Isaias 56:12 ပူးပေါင်းရင်းမြစ်များ

An Libro ni Job 24:23

Pwedeng tugotan nin Dios na mabuhay sindang matiwasay, alagad an saiyang mga mata nasa pagmasid kan saindang mga dalan.

Salmo 10:6

Nasa boot niya, “Mayong makakahiro sako; dai ako mamumugtak sa kapahamakan.”

Mga Talinhaga 20:1

An arak mayo nin karahayan na itinatao sa tawo; asin kamangmangan an magpakaburat sa arak.

Mga Talinhaga 23:35

Masabi ka, “Garo akong binaradulan, alagad dai ko nagigiromdoman. Tadaw ta dai ako nagigimata? Kaipuhan mag-inom giraray ako.”

Mga Talinhaga 27:1

Dai mo ipaghambog an noodma, huli ta dai mo aram kun ano an mangyayari sa aldaw na iyan.

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Isaias 5:11

Herak man sa mga amay minabangon sa pagkaaga tanganing hanapon an irinoman, sagkod sa kamatangaan nin banggi, sagkod na sinda magkabururat!

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Isaias 5:22

Herak man sa mga bayani sa pag-inom nin arak, asin sa mga mayong takot sa paghalo nin maiisog na inomon!

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Oseas 4:11

Nagsasabi an Kagurangnan, “An arak, daan man o bago, iyo an naghahale kan pakasabot kan sakong banwaan!

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Nahum 1:10

Arog sa nagkagurumos na mga tonok asin alang na dagami matututong kamo!

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

1 Corinto 15:32

Ano an papakinabangon ko kun nakipaglaban man ako sa maisog na kaiwal digdi sa Efeso para sana sa mga katuyohan na sa tawo? Kun dai binubuhay liwat an gadan, mas marahay pang, “Magkakan kita saka mag-inom, ta sa aga magagadan kita.”

Tito 1:7

An sarong lider dapat na mayo nin katuyawan bilang pinaniniwalaan kan trabaho nin Dios; bakong mapalangkaw, o aranggoton, o paraburat, o parapakiiwal, o makikwarta.