Isaias 56:11 - Marahay na Bareta Biblia

¹¹ Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Isaias 56:11 ပူးပေါင်းရင်းမြစ်များ

Exodo 23:3

Dai ka magpahiling nin pagpaorog sa sarong dukha kun binibista siya.

Parahulit 5:10

An namomoot sa kwarta, dai nanggad makokontento kaiyan. An namomoot sa kayamanan padagos na magpaparahanap kaiyan. Ini mayo man nin halaga.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 57:17

Naanggot ako sainda huli kan saindang kasalan saka kapasloan, kaya pinadusahan ko sinda asin pinabayaan. Alagad matagas an saindang payo asin nagpadagos sinda sa saindang gawe.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Jeremias 6:13

An lambang saro, poon sa kasaradayan sagkod sa haralangkaw na tawo, nandadaya tanganing yumanan. Nandadaya maski an mga propeta saka mga padi.

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Oseas 4:8

Nagyayaman kamo huli sa mga kasalan kan sakong banwaan, kaya boot pa nindong magdugang an saindang pagkakasala.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Mga Bilang 22:7

Kaya naglakaw an mga lider kan Moab asin Midian dara an bayad para sa pagmaldisyon. Nagduman sinda ki Balaam asin sinabi ninda saiya an mensahe ni Balak.

Juan 8:43

Tadaw ta dai nindo nasasabotan an sinasabi ko? Huli ta habo kamong magdangog kan sakong tataramon.

Mga Gibo 20:29

Aram ko na pakahale ko, lalaogon kamo nin mababangis na lobo asin dai ninda paliligtason an mga karnero ko.

Mga Gibo 20:33

Dai ko minawot an plata o bulawan o gubing nin siisay man.

2 Corinto 4:4

Dai sinda minatubod huli ta binuta an saindang mga isip kan dios kaining kinaban, tanganing dai ninda mahiling an liwanag kan Marahay na Bareta dapit sa kamurawayan ni Cristo na iyo an kabaing nin Dios.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

Filipos 3:2

Maglikay kamo sa mga tawong maraot an gibo, sa garo mga ayam, sa mga nag-iinsistir kan paglugad sa hawak.

1 Timoteo 3:3

Bako siya paraburat o parapakiiwal, kundi mahuyo, matoninong saka bakong makikwarta.

1 Timoteo 3:8

An mga diakono sa simbahan dapat man na marahay an ugale saka bakong parasagin-sagin, bakong paraburat asin bakong ganid sa kwarta.

Tito 1:11

Kaipuhan sindang paontokon huli ta pinupurisaw ninda an gabos na kaayon nin mga pamilya, sa pagtukdo ninda kan dai dapat itukdo, magkakwarta sana sinda maski sa maraot na paagi.

Tito 1:7

An sarong lider dapat na mayo nin katuyawan bilang pinaniniwalaan kan trabaho nin Dios; bakong mapalangkaw, o aranggoton, o paraburat, o parapakiiwal, o makikwarta.

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!

Judas 1:11

Herak man sainda! Huli ta inarog ninda si Cain; dahel sa kwarta, ginibo ninda an salang ginibo ni Balaam. Nagrebelde sinda arog ki Kora, kaya napahamak man sinda arog saiya.

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.

Hukom 18:20

Ikinaogma ini kan padi, kaya kinua niya an sagradong mga bagay asin nag-iba sa sainda.

1 Samuel 2:29

Kun siring, tadaw ta hinihiling mo na may kapasloan an mga atang asin dolot na hinahagad ko sa sakong banwaan? Tadaw ta pinapaorog mo an saimong mga aki ki sa sako, huli sa pagtugot sainda na magpataba kan saindang sadiri sa pinakamarahay na mga parte kan gabos na dolot kan sakong banwaan?