Isaias 55:6 - Marahay na Bareta Biblia

⁶ Hanapa nindo an Kagurangnan mantang makukua siya, pag-apod kamo saiya mantang harani siya.

Isaias 55:6 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 19:3

Alagad maski siring, igwa man nin nakuang karahayan saimo, huli ta hinarale mo an mga simbolo ni Asera asin hiningowa mong magsunod sa kabotan nin Dios.”

Esdras 10:2

Dangan nagsabi ki Esdras si Secanias na aking lalaki ni Jehiel kan kamaganakan ni Elam, “Nagkasala kami sa samuyang Dios huli ta nag-agom kami nin mga dayuhan na babae, alagad minsan siring, igwa pa nin paglaom para sa Israel.

An Libro ni Job 8:5

Alagad kun magbalik ka asin makimaherak sa Makakamhan na Dios;

Salmo 14:2

Hale sa langit minadungaw an Kagurangnan sa mga aki nin katawohan, sa paghiling kun may naggigibo nin katanosan, kun igwa pang naghahanap sa Dios.

Salmo 145:18

Harani siya sa gabos na minaapod saiya; sa gabos na minaapod saiya nin tudok sa puso.

Salmo 148:14

Pinakosog niya an saiyang nasyon, kaya inoomaw siya kan saiyang mga banal, kan banwaan nin Israel na saiyang namomotan. Omawon an Kagurangnan!

Salmo 27:8

Kan ika magtaram, “Madya, sambahon mo ako.” Nagsimbag an puso ko, “Kagurangnan, madolok ako.”

Salmo 32:6

Kaya kaipuhan mamibi saimo an gabos na tawong maimbod saimo sa panahon nin pangangaipo; kun mag-abot an sarong dakulang baha nin kasakitan, dai iyan makakaabot sainda.

Salmo 34:19

Kadakul an tinitios kan matanos, alagad iliniligtas siya nin Kagurangnan sa mga iyan gabos.

Salmo 75:1

Nagpapasalamat kami saimo, O Dios, nagpapasalamat kami saimo! Inaapod mi an saimong ngaran, asin ibinabareta an mga gibo mong ngangalasan.

Salmo 95:7

Huli ta siya an satong Dios; kita an banwaan na saiyang inaataman, an mga karnero na saiyang pinapakakan. Hinanyoga nindo ngunyan an saiyang tingog!

Mga Talinhaga 8:17

Namomotan ko an namomoot sako; an naghahanap sako nakakanumpong sako.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 26:9

Sa bilog kong puso, hinihidaw taka pagkabanggi; sa saimong paghukom sa daga asin sa mga tawo diyan, an hustisya saindang manonodan.

Isaias 45:19

Bakong sa hilom kan ako magtaram asin dai ko tinago an sakong katuyohan. Dai ko hinagad sa banwaan nin Israel na hanapon ako sa mamondong lugar. Ako an Kagurangnan, asin nagsasabi ako kan katotoohan; ipinapahayag ko kun ano an tama.”

Isaias 45:22

“Madya kamo sako ngunyan asin makakaligtas kamo, mga tawo sa bilog na daga! Huli ta ako an Dios, asin pwera sako mayo na nin ibang dios.

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Isaias 58:9

Kun mamibi kamo, sisimbagon ko kamo. Kun mag-apod kamo sako, masimbag ako. “Kun ontokon nindo an pang-api, an pagmenos sa kapwa, asin an pagtaram nin maraot na tataramon;

Isaias 65:10

Sasambahon ninda ako asin papangenotan ko an saindang mga hayop tanganing manabsab sa Kapatagan nin Sharon sa solnopan asin sa Kapantayan nin Acor sa sirangan.

Isaias 65:24

Maski dai pa sinda nakakatapos kan pagpamibi, sisimbagon ko na sinda.

Jeremias 25:5

Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 33:3

“Apoda ako, asin sisimbagon taka; ipapahayag ko saimo an dakula saka hilom na mga bagay na dai mo pa naaaraman.

Ezekiel 14:6

“Kaya ngunyan sabihan mo an mga Israelita kan itinataram ko, an Kagurangnan Dios: Magbakle kamo asin bayae nindo an makauuyam nindong mga dios-dios.

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Ezekiel 8:6

Sinabihan ako nin Dios, “Aki nin tawo, nahihiling mo an ginigibo ninda, an makauuyam na mga bagay na ginigibo digdi kan mga Israelita, kun paano ninda ako orog na pinapaharayo sa sakong santwaryo? Alagad makakahiling ka pa nin orog pang makauuyam na mga bagay.”

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Jonas 3:8

An gabos na tawo saka hayop dapat na magsulot nin sako. An lambang saro kaipuhan maigot na magpamibi sa Dios, asin talikodan an saiyang maraot na ugale saka maraot na mga gawe.

Mateo 5:25

“Kun may tawong masangat nin kaso tumang saimo asin dinadara ka sa husgado, makiareglo ka saiya mantang igwa pa nin oras, bago kamo umabot sa husgado. Ta kun dai, itatao ka niya sa hukom, na iyo an matao saimo sa pulis na malaog saimo sa bilanggoan.

Lukas 13:25

Kun serahan na kan kagharong an pintoan, kamong mga nagtitindog sa luwas mapoon pagtoktok asin pag-apod, ‘Kagurangnan, bukasan mo man kami!’ Alagad masimbag siya saindo, ‘Dai ko aram kun mga taga saen kamo!’

Juan 8:21

Sinabihan pa sinda ni Jesus, “Mahale ako; hahanapon nindo ako, alagad magagadan kamo sa saindong mga kasalan. Dai kamo makakaduman sa dudumanan ko.”

Efeso 3:13

Kaya hinahagad ko saindo na dai manluya an saindong boot huli na lamang kan tinitios ko para saindo; ini gabos para sa karahayan nindo.

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Deuteronomio 4:7

“Arin na mapangyaring nasyon an igwa nin dios na harani saiya, arog sa Kagurangnan na satong Dios, na harani nin marahay sa sato, kun minaapod kita saiya?

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.