Isaias 55:2 - Marahay na Bareta Biblia

² Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Isaias 55:2 ပူးပေါင်းရင်းမြစ်များ

Salmo 22:26

Makakan an mga dukha dangan magkakabarasog. Mag-oomaw sa Kagurangnan an mga naghahanap saiya. Mabuhay logod sinda sagkod lamang!

Salmo 34:11

Madya kamo, mga aki, dangoga ako, asin tutukdoan ko kamo kan pagkatakot sa Kagurangnan.

Salmo 36:8

Nagpipyesta sinda sa dakul na pagkakan sa saimong harong; pinapainom mo sinda sa salog nin saimong pagkamarahayon.

Salmo 63:5

Magkakakan an sakong kalag asin mababasog; maogmang mag-aawit ako nin pag-omaw sa saimo.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Mga Talinhaga 1:33

Alagad an naghihinanyog sako mag-eerok sa katiwasayan asin mabubuhay sa katoninongan, na mayo nin natatakotan.”

Mga Talinhaga 7:23

saen malagbas sa saiyang puso an sarong bosog. Arog siya sa sarong gamgam na naglalaog sa sarong hikot; dai niya naaaraman na nasa pag-alaman an saiyang buhay.

Mga Talinhaga 8:32

“Kaya ngunyan, mga aki ko, hinanyoga nindo ako. Giboha nindo an sinasabi ko, asin magigin maogma kamo.

Mga Talinhaga 9:5

“Madya, kakana an sakong tinapay asin inoma an tinimpla kong arak.

Parahulit 6:2

an sarong tawo tinatawan nin Dios nin yaman, rogaring, kaomawan, saka gabos niyang kamawotan; alagad dai niya tinatawan nin kapangyarihan na gamiton iyan sa kaogmahan. An sarong dayuhan logod an igwa kan kapangyarihan na iyan. Ini mayo man nin halaga; sarong dakulang karaotan.

Isaias 1:19

Kun magkuyog ka sana kuta sako, magkakakan ka kan marahay na mga bunga kan daga.

Isaias 10:27

Pag-abot kan aldaw na iyan, tatalingkasan ko kamo sa kapangyarihan nin Asiria, asin dai na kamo magagabatan kan sakal na ibinugtak ninda sa abaga nindo.”

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Isaias 44:20

Garo man sana siya nagkakan nin abo. Linagalag siya kan saiyang lolong na isip; dai na siya matatabangan. Dai niya aakoon na an ladawan na saiyang kapot bako man talaga dios.

Isaias 46:6

Binubukasan kan mga tawo an saindang mga supot dangan inuula an bulawan; minatimbang sinda nin plata sa mga timbangan. Minatandan sinda nin alahero tanganing maggibo nin sarong dios; dangan minaluhod sinda asin sinasamba iyan.

Isaias 51:1

Nagsasabi an Kagurangnan, “Pagdangog kamo sako, kamo na boot na makaligtas, kamo na minadolok sako tanganing magpatabang. Isipa nindo an gapong saindong hinalean, an lugar na pinagkuahan saindo.

Isaias 51:4

“Pagdangog kamo, sakong banwaan, dangoga nindo an sakong sasabihon: itinatao ko an sakong katukdoan sa mga nasyon; maliliwanagan sinda huli kan sakong mga togon.

Isaias 51:7

“Pagdangog kamo, kamo na nakakaaram kan katanosan, kamo na an nasa puso iyo an sakong katogonan. Dai kamo matakot kun pagtuya-tuyaon asin pag-olog-ologon kamo nin katawohan;

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Isaias 62:9

Alagad kamong nagtanom saka nag-ani iyo an magkakakan kan tinapay asin mag-oomaw sa Kagurangnan. Kamong nag-ataman dangan nagtipon kan mga ubas iyo an mag-iinom kan arak sa mga patyo kan sakong Templo.”

Isaias 65:23

Magigin mauswag an saindang pinagpagalan, asin dai mamumugtak sa kapahamakan an saindang kaakian. Sinda saka an saindang kapagarakian bebendisyonan ko sagkod sa mga maabot na panahon.

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Jeremias 17:24

“Sabihan mo an mga tawong ini na dapat nindang kuyogon an gabos kong pagboot. Dai nanggad sinda magdara nin anoman sa paglaog sa mga trangkahan kan syudad na ini kun Sabbath. Dapat nindang ipaglehe an Sabbath bilang sarong banal na aldaw asin dai nanggad sinda magtrabaho.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 31:14

Babasogon ko nin masiram na kakanon an mga padi, asin makokontento an sakong banwaan kan sakong karahayan. Ako, an Kagurangnan, an nagtaram.”

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 8:7

Huli ta nagtanom sinda nin doros, mag-aani sinda nin bagyo! An trigo na dai namumunga, dai makukuahan nin arina. Alagad maski mamunga pa iyan, an mga dayuhan man sana an makakan kaiyan.

Habakkuk 2:13

Nagparagal sa mayong kamugtakan na trabaho an mga nasyon na sinakop nindo; an gabos nindang pinatindog nagkakasurulo man sana. An Kagurangnan nin mga hukbo iyo an kaggibo kaini.

Mateo 15:9

An pagsamba ninda sako mayo nin halaga, huli ta an itinutukdo ninda bilang doktrina, mga pagboot nin tawo sana!’”

Mateo 22:4

Nagsugo naman siya nin ibang mga sorogoon na tinugon, ‘Sabihan nindo an mga imbitado na andam na an bangkete; ipinabuno ko an mga pinatabang baka asin andam na an gabos. Kaya magdigdi na sinda sa bangkete!’

Mateo 5:6

“Paladan an mga nagugutom asin napapaha sa katanosan, huli ta sinda pakababasogon!

Markos 7:14

Pinarani giraray ni Jesus an mga tawo dangan sinabihan, “Dangoga saka sabota nindo gabos an sasabihon ko saindo.

Lukas 15:23

Dangan daraha digdi an pinatabang ogbon na baka asin bunoa! Mag-ogma kita! Magbangkete kita!

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

Roma 10:17

Kaya an pagtubod bunga kan pagdangog sa mensahe; an mensahe bunga kan paghulit dapit ki Cristo.

Roma 9:31

Alagad an mga Israelita na naghingowang magin matanos sa Dios sa paagi nin katogonan, dai nakaotob kan katogonan.

Deuteronomio 11:13

“Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Hebreyo 13:9

Dai kamo magpadagka sa laen saka bakong midbid na mga katukdoan. Mas marahay na an satong mga puso mapakosog kan biyaya nin Dios, bakong sa pagkuyog kan mga pagsusundon dapit sa mga kakanon na dai lamang nakakatabang sa mga nagkukuyog kaiyan.