Isaias 55:13 - Marahay na Bareta Biblia

¹³ Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 55:13 ပူးပေါင်းရင်းမြစ်များ

Salmo 96:12

mag-ogma an kaomahan, asin an gabos na yaon diyan! Dangan gabos na kahoy sa kadlagan mag-aawit sa kaogmahan

Isaias 19:20

An mga iyan an magigin tanda asin saksi kan presensya nin Kagurangnan nin mga hukbo sa Egipto.

Isaias 32:13

dangan mga binit saka doot na an nagtatalubo sa daga kan sakong banwaan. Tangisan nindo an mga harong na dating maogma asin an syudad na dating pano nin buhay.

Isaias 35:1

Mag-oogma an desyerto, asin mamumurak an kalangtadan.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 41:19

Papataluboon ko sa desyerto an mga sedro, an mga akasya, an mga mirto asin an mga oliba. An kalangtadan gigibohon kong mga kadlagan, kadlagan nin mga aguho, hunipero asin cipres.

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 54:10

Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Isaias 56:5

an saimong ngaran orog na magigiromdoman sa sakong Templo saka sa tahaw nin sakong banwaan, ki sa kun nagkaigwa ka nin dakul na aki. Dai ka nanggad malilingawan.”

Isaias 60:13

“An pinakamarahay na kahoy hale sa kadlagan nin Lebanon, an aguho, an hunipero, asin an sipres dadarahon saimo tanganing pagayonon an sakong Templo, saka an syudad ko.

Isaias 60:17

“Bulawan embes na bronse an dadarahon ko saimo, plata saka bronse embes na lansang asin kahoy, dangan lansang embes na gapo. Dai ka na nanggad aapihon kan saimong mga namamayo; papaghadeon ko sinda sa hustisya saka sa katoninongan.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Isaias 63:12

Haen na an Kagurangnan na sa paagi kan saiyang kapangyarihan, naggibo nin darakulang bagay huli ki Moises, na nagbanga kan tubig kan dagat asin nangenot sa saiyang banwaan sa hararom na tubig, saka nagkamit nin daing tapos na kabantogan?” Sa pangenot nin Kagurangnan, maliksing naglakaw an mga Israelita siring sa mga maliksing lalaw na kabayo sa desyerto, asin dai sinda nagkaturumba.

Isaias 63:14

Kun paano inaalaw an mga baka pasiring sa sarong matubang na kapantayan, siring man kun magtao an Kagurangnan nin kapahingaloan sa saiyang banwaan. Pinangenotan niya an saiyang banwaan asin iyan an nagdara nin kamurawayan sa saiyang ngaran.

Isaias 7:11

“Maghagad ka nin tanda sa Kagurangnan na saimong Dios. Pwedeng an tanda hale sa irarom kan kinaban kan mga gadan o hale sa kaitaasan nin langit.”

Isaias 7:19

Maabot sinda gabos asin maontok sa mga ampas, sa mga lungib sa kagapoan, sa gabos na binit, patin sa gabos na pasabsaban.

Isaias 7:24

An mga tawo maduman na may darang pana tanganing mang-ayam, huli ta an bilog na daga mapapano nin mga binit saka tonok.

Jeremias 13:11

Siring kan habay na minahusto sa habayan, binoot kong maigot na mamugol sako an mga taga Israel saka an mga taga Juda. Ginibo ko ini tanganing sinda magin sakong banwaan saka magdara sinda nin kaomawan asin kamurawayan sa sakong ngaran; alagad habo ninda akong kuyogon.”

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Jeremias 50:5

Mahapot sinda kan dalan pasiring sa Sion saka maduman sinda tanganing makisumaro sako sa sarong tipan na mayo nin kasagkoran saka dai nanggad malilingawan.

Ezekiel 28:24

Nagtaram an Kagurangnan, “Maski saro kan mga nasyon na nakapalibot sa Israel na nagtuyatuya saiya kaidto dai na nanggad magigin arog sa mga tonok asin mga binit na malugad sa Israel. Dangan maaaraman ninda na ako an Kagurangnan Dios.”

Mikas 7:4

Maski an pinakamarahay saka pinakaonesto sa sainda garo mga tonok na mayo nin halaga. Nag-abot na an aldaw kan pagpadusa nin Dios sa mga tawo, siring kan saiyang ipinatanid sainda sa paagi kan saindang mga parabantay, an mga propeta. Ngunyan, nagkakariribong sinda.

Zacarias 1:8

Nahiling ko an sarong anghel nin Kagurangnan na naglulunad sa sarong pulang kabayo. Nag-ontok siya sa tahaw kan mga kahoy na mirto sa sarong kapantayan. Sa likodan niya igwa nin mga kabayong pula, kabang, saka puti.

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

Juan 15:8

Napapamuraway an sakong Ama kun namumunga kamo nin dakul; iyan nagpapatotoo na kamo mga disipulo ko.

Roma 6:19

Mga simpleng tataramon sana an ginagamit ko huli kan saindong kaluyahan.) Kun kaidto ihinunod nindo an saindong hawak sa mga kadustaan saka nagin orog kamo karaot, ngunyan kaipuhan idusay nindo an saindong hawak sa katanosan para sa mga banal na katuyohan.

2 Corinto 5:17

An siisay man na yaon ki Cristo, saro nang bagong linalang; an daan nakalihis na, an bago nagdatong na.

1 Pedro 4:11

An siisay man na naghuhulit, dapat ihulit an mensahe nin Dios; an naglilingkod, maglingkod sa bilog na kosog na itinao saiya nin Dios, tanganing sa gabos na bagay, mapamuraway an Dios huli ki Jesu-Cristo. Sa saiya sana an gabos na kamurawayan asin kapangyarihan sagkod nuarin pa man.