Isaias 55:12 - Marahay na Bareta Biblia

¹² “May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 55:12 ပူးပေါင်းရင်းမြစ်များ

Salmo 105:43

Kaya ilinuwas niya an saiyang piniling banwaan, nag-awit sinda asin nagkurahaw sa kaogmahan.

Salmo 47:1

Gabos na banwaan, magparakpak kamo sa kaogmahan! Ikurahaw nindo sa Dios mga awit nin kaogmahan!

Salmo 65:12

Napapano nin mga hayop an mga pasabsaban; an kabubuldan naghahagkos nin kaogmahan.

Salmo 65:13

Natatahoban nin mga karnero an kaomahan; napapano nin trigo an mga kapantayan. An gabos nagkukurahaw asin nag-aawit sa kaogmahan.

Salmo 69:34

Omawon siya kan daga asin kalangitan, kan mga dagat asin kan gabos na yaon diyan.

Isaias 14:8

An mga kahoy na sipres saka sedro nin Lebanon nag-oogma sa pagbagsak kan hade, huli ta mayo na nin mapalod sainda, ngunyan na mayo na siya!

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Isaias 52:9

Pagkurahaw kamo sa kaogmahan, kamong nagkagarabang lugar nin Jerusalem! Huli ta ililigtas nin Kagurangnan an saiyang syudad asin rarangahon niya an saiyang banwaan.

Isaias 54:10

Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Isaias 54:13

“Ako mismo an matukdo sa saimong mga namamanwaan, asin an matao nin kauswagan saka katoninongan.

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Jeremias 30:19

An mga nag-eerok duman mag-aawit nin pag-omaw; magkukurahaw sinda sa kaogmahan. Huli kan sakong bendisyon madakul sinda sa bilang; an sakong bendisyon matao sainda nin kaomawan.

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Jeremias 33:6

Alagad bobolongon ko an syudad na ini asin an mga tawo digdi. Itatao ko giraray sainda an marahay na hawak. Papahilingan ko sinda nin nagsusupay na katoninongan saka katiwasayan.

Ezekiel 17:24

An gabos na kahoy sa daga makakaaram na ako an Kagurangnan. Pinapalod ko an mga halangkaw na kahoy asin pinapahalangkaw an mga hababang kahoy. Pinapaalang ko an mga berdeng kahoy, asin pinapangagin berde an mga alang na kahoy. Ako, an Kagurangnan, an nagtaram, asin gigibohon ko iyan.”

Lukas 15:10

Siring man sinasabihan ko kamo, na an mga anghel nin Dios nag-oogma huli sa sarong parakasala na nagsosolsol.”

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

Roma 5:1

Kaya huli ta pinangagin kitang matanos nin Dios huli sa pagtubod, igwa kita nin katoninongan saiya huli ki Jesu-Cristo na satong Kagurangnan.

Roma 5:11

Bako sana iyan, nag-oogma kita sa Dios huli sa Kagurangnan tang si Jesu-Cristo, na dahel saiya kita naging katood nin Dios.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Colosas 1:11

Mapakosog man logod kamo kan gabos na kakosogan hale sa saiyang mamurawayon na kapangyarihan, tanganing matios nindo an gabos na bagay. Maogma kamong magpasalamat sa Ama huli ta pinapagkanigo niya na ibilang kamo sa mga banal na magmamana kan kahadean nin liwanag.