Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaias 55:11 - Marahay na Bareta Biblia

11 Siring man an tataramon na sakong sinasabi— dai iyan mabalik sako na mayo nin bunga; gigibohon kaiyan an gabos na sakong ipinapagibo.

အခန်းကိုကြည့်ပါ။ ကော်ပီ




Isaias 55:11
29 ပူးပေါင်းရင်းမြစ်များ  

Iyo, naluluyos an mga doot asin nawawara an mga burak, alagad an tataramon nin satong Dios magdadanay sagkod lamang.”


Totoo an sakong panuga, asin dai iyan maliliwat. Tudok sa puso na nanunuga ako sa gabos: Madolok an lambang saro asin maluhod sa sakong atubang patin masumpa sa sako nin kaimbodan.


Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.


Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.


“Kan panahon ni Noe ako nanuga na dai na nanggad magkakaigwa nin baha sa daga. Ngunyan nanunuga ako na dai na nanggad ako maaanggot saimo; dai ko na ika papadusahan.


Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”


Hinapot ako nin Kagurangnan, “Jeremias, ano an nahihiling mo?” Nagsimbag ako, “Sarong sanga nin almendras.”


“Tama ka”, an sabi nin Kagurangnan “asin nagbabantay ako huli ta boot kong magkatotoo an sakong mga tataramon.”


Tinaraman giraray ako nin Kagurangnan, “Ano pa an nahihiling mo?” an hapot niya. Nagsimbag ako, “Nahihiling ko sa amihan an sarong koron na nagkakalakaga an laog, saka madali nang malitwang paatubang digdi.”


asin dai iyan maontok sagkod na dai pa niya matapos an boot niyang gibohon. Sa huring aldaw malinaw na masasabotan ini kan saiyang banwaan.”


Dadarahon ko sa Babilonia an gabos na kasakitan na sinabi kong dadarahon saiya—an gabos na kasakitan na nasusurat sa librong ini—na ipinagpropesiya ni Jeremias laban sa gabos na nasyon.


Ako, an Kagurangnan, an nagtaram. Uminabot na an panahon na dapat akong maghiro. Dai ko paliligtason an saimong mga kasalan; mayo ako nin paliligtason o maheherakan. Papadusahan taka huli kan saimong mga ginibo.” An Kagurangnan Dios an nagtaram.


Kun itao na nin Kagurangnan an pagboot, magkakaroronot an mga harong, dakula man o sadit.


Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”


An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.


Mapapara an langit asin an daga, alagad an sakong mga tataramon dai nanggad mapapara.


An Espiritu iyo an nagtatao nin buhay; dai ini magigibo kan laman. An mga ipinagtaram ko saindo, Espiritu asin buhay.


Kaya an pagtubod bunga kan pagdangog sa mensahe; an mensahe bunga kan paghulit dapit ki Cristo.


An mensahe dapit sa kagadanan ni Cristo sa krus mayong halaga para sa mga napapahamak; alagad para sato na mga iliniligtas, an mensaheng iyan iyo an kapangyarihan nin Dios.


Maghulog logod siring sa uran an sakong katukdoan, siring sa ambon sa ibabaw nin daga, siring sa tagiti sa mga doot saka mga tinanom.


Igwa pang sarong dahelan kun tadaw ta danay ming pinapasalamatan an Dios; kan ipaghulit mi saindo an mensahe nin Dios, nagdangog kamo saka nagtubod, bakong dahel ta idto hale sa tawo kundi sa Dios, na iyo mananggad an totoo. An bunga kan mensahe nin Dios nahihiling saindo na mga paratubod.


Benebendisyonan nin Dios an daga na minasarumsom kan uran na minahugpa diyan, dangan minatao nin marahay na ani sa mga nagtatanom.


Sa kabotan niya linalang niya kita sa paagi kan tataramon nin katotoohan, tanganing kita an magin orog sa gabos niyang linalang.


Huli ta namundag kamo liwat bakong sa paagi nin tawo na nagagadan, kundi sa kapangyarihan kan tataramon nin Dios na buhay saka nagdadanay sagkod lamang.


Nagdakula si Samuel na danay na iniibahan nin Kagurangnan; inotob niya an lambang sinabi ni Samuel.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ