Isaias 54:7 - Marahay na Bareta Biblia

⁷ “Sa kadikit na panahon binayaan taka; sa dakulang pagkamoot kukuahon taka.

Isaias 54:7 ပူးပေါင်းရင်းမြစ်များ

Salmo 106:47

Ligtasan kami, Kagurangnan nyamong Dios, asin tipona kami hale sa mga nasyon, tanganing pasalamatan mi an saimong banal na ngaran saka magmuraway sa saimong kaomawan.

Salmo 107:3

asin ibinalik hale sa ibang daga, hale sa sirangan asin sa solnopan, hale sa amihan asin sa habagat.

Salmo 30:5

Minaagi sana an saiyang kaanggotan, alagad an saiyang karahayan sagkod lamang. Pwedeng magbulos an luha sa pagkabanggi, alagad an kaogmahan minadatong sa pagkaaga.

Salmo 30:6

Sa sakong kauswagan, nagsaboot ako, “Dai nanggad ako matatanyog.”

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 11:12

Iiitaas nin Kagurangnan an sarong bandera tanganing ipahiling sa mga nasyon na titiponon niya giraray an nawarak na banwaan nin Israel saka Juda dangan ibabalik niya sinda hale sa apat na poro kan daga.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 14:1

Maheherakan giraray nin Kagurangnan an saiyang banwaan nin Israel asin pipilion niya sinda bilang saiyang sadiri. Tutugotan niya sindang mag-erok giraray sa saindang daga, asin maabot an mga dayuhan dangan maerok sa kaibahan ninda.

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 27:12

Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Isaias 27:8

Pinadusahan nin Kagurangnan an saiyang banwaan sa paagi nin pagtapok sainda. Hinale niya sinda sa paagi nin makuring doros na hale sa sirangan.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Isaias 49:18

Mangalagkalag ka asin hilinga an nangyayari! Nagtitiripon na an saimong banwaan—mapuruli na sinda! Siring na ako an Dios na buhay ipag-oorgulyo mo an saimong banwaan, siring na ipinag-orgulyo nin sarong nobya an saiyang mga alahas.

Isaias 49:21

Dangan magsasaboot kang, ‘Siisay an nangaki kan gabos na ini para sako? Nagkagaradan na an sakong mga aki asin dai na ako pwedeng mangaki. Itinapok ako asin isinubol sa harayo— siisay an nagpadakula kan kaakian na ini? Ako na sana an natada— saen naghale an mga aki na ini?’”

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 56:8

An Kagurangnan Dios, na nagdara pabalik kan saiyang banwaan hale sa pagkatapokan, nangako na dadarahon pa niya an ibang tawo tanganing makaiba kan saiyang banwaan.

Isaias 60:10

An Kagurangnan nagsasabi sa Jerusalem, “Hihirahayon kan mga dayuhan an saimong mga kudal, asin maglilingkod saimo an saindang mga hade. Sa sakong kaanggotan pinadusahan taka, alagad ipapahiling ko ngunyan an sakong pagkawili saka pagkaherak sa saimo.

Isaias 60:4

Pangalagkalag sa palibot mo asin hilinga kun ano an nangyayari: nagtitiripon an saimong banwaan tanganing magpuli! Hale sa harayong lugar madatong an saimong mga aking lalaki; kikilikon an saimong mga aking babae arog sa pagkilik sa mga aki.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Isaias 66:18

Aram ko an saindang mga iniisip saka ginigibo. Madatong ako sa pagtipon kan katawohan kan gabos na nasyon. Kun magkatiripon na sinda, mahihiling ninda kun ano an nagigibo kan sakong kapangyarihan

Jeremias 51:5

Huli ta an saindang daga pano nin kasalan tumang sako, an Banal nin Israel, alagad ako, an Kagurangnan nin mga hukbo, dai nagpabaya sa Israel saka sa Juda.

Mga Panambitan 3:31

An Kagurangnan maheherakon asin dai nagsisikwal sagkod lamang.

Mga Panambitan 3:32

Pwedeng darahan niya kita nin kamondoan, alagad an pagkamoot niya sato makusog asin masasarigan.

Ezekiel 36:24

Hahaleon ko kamo sa lambang nasyon asin daga dangan ibabalik ko kamo sa sadiri nindong daga.

Mikas 4:6

Nagsasabi an Kagurangnan, “Maabot an panahon na titiponon ko an mga tawong sakong pinadusahan, an mga nagtios sa pagkatapokan.

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

2 Corinto 4:17

Ining dikit asin dai nagdadanay na kasakitan na tinitios mi matao samo nin dakula saka mayong kataposan na kaogmahan na dai mapapantayan.

Efeso 1:10

pag-abot kan tamang panahon. An saiyang plano iyo na pagsararoon ki Cristo an gabos na linalang, sa langit asin sa daga.

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

2 Pedro 3:8

Namomotan kong mga tugang, dai nindo paglingawan an katotoohan na ini: na sa Kagurangnan, an sarong aldaw kabaing sa sangribong taon; asin an sangribong taon siring sa sarong aldaw.