16 “Ako an naglalalang kan panday, na nagmamakot nin kalayo dangan minagibo nin mga armas. Ako man an naglalalang kan soldados, na naggagamit kan mga armas nganing manggadan.
Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”
“Dai mo nabaretaan na ako an nagplano kan gabos na iyan kaidto? An gabos na plano ko kaidtong panahon pinapangyari ko ngunyan. Tinawan taka nin kapangyarihan tanganing gabaon an pinapusog na mga syudad.
Inaapod ko an sarong lalaki na magdigdi hale sa sirangan; mananaklot siya siring sa sarong agila asin ootobon niya an sakong katuyohan. Ako an nagtaram, asin mangyayari iyan.
Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.
An naenot na anghel nagsabi sa nagsabat saiya, “Magdalagan ka asin taraman mo an hoben na lalaking may kapot na pansukol na pisi na an Jerusalem pag-eerokan nin kadakul na tawo saka hayop. Magigin dakula iyan nin marahay asin dai na pwedeng kudalon.