Isaias 54:14 - Marahay na Bareta Biblia

¹⁴ Papakosogon ka kan hustisya asin katanosan. Magigin ligtas ka sa nang-aapi asin sa takot.

Isaias 54:14 ပူးပေါင်းရင်းမြစ်များ

Mga Talinhaga 3:24

Kun ika maghigda, dai ka matatakot; matoninong kang matotorog kun banggi.

Isaias 1:26

Dangan ibabalik ko an saimong mga hukom siring kaidto, asin man an saimong mga parahatol siring sa kapinonan. Dangan aapodon kang syudad nin katanosan, an maimbod na syudad.”

Isaias 1:27

Huli ta matanos an Kagurangnan ililigtas niya an Jerusalem asin an mga nag-eerok diyan na nagbabakle.

Isaias 14:4

Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Isaias 16:4

Tugotan nindo kaming makihimanwa saindo. Suroga kami sa mga boot gumadan samo.” (An pang-api saka an panggadan matatapos, asin mawawara an mga nagraraot kan daga.

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 26:2

Bukasi an mga trangkahan kan syudad tanganing makalaog an maimbod na nasyon, an nasyon na an mga namamanwaan naggigibo kan matanos.

Isaias 32:17

asin an magigin bunga kan katanosan iyo an katoninongan, katiwasayan asin an paglaom sagkod lamang.

Isaias 33:18

An dati nindong natatakotan na mga dayuhan na parasingil nin buhis saka mga espiya magigin saro na sanang giromdom.

Isaias 45:24

“Masabi sinda na sa paagi ko sana makukua an kosog saka an kapangganahan; alagad magtitios nin kasosopgan an gabos na naoongis sako.

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 51:13

Nalingawan na nindo an Kagurangnan na naggibo saindo, na nag-unat kan kalangitan asin nagpamugtak kan pundasyon kan kinaban? Tadaw ta mamumuhay kamong danay na takot sa kaanggotan kan mga nag-aapi saindo, kan mga andam sa pagraot saindo? Dai na makakaduta saindo an saindang kaanggotan.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 54:4

Dai ka matakot—dai ka na masosopgan giraray; dai ka na mawawaraan nin onra. Malilingawan mo nang dai ka nagin maimbod sa agom kan ika hoben pa. Malilingawan mo an makuring kapongawan bilang sarong balo.

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 62:1

Magtataram ako tanganing pakosogon an boot kan Jerusalem; dai ako magkakaalo sagkod na ligtas na siya, asin nagliliwanag an saiyang kapangganahan siring sa sarong karaba sa pagkabanggi.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Jeremias 30:20

Ibabalik ko an dating kosog kan nasyon, saka gigibohon ko ining pusog giraray; papadusahan ko an gabos na nag-aapi sainda.

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Zacarias 9:8

Babantayan ko an sakong daga asin dai ako matugot na pag-agihan iyan nin mga soldados. Dai na ako matugot na apihon giraray an sakong banwaan, huli ta nahiling ko kun paano sinda nagtios.”

2 Pedro 3:13

Alagad naghahalat kita kan ipinanuga nin Dios na bagong kalangitan asin bagong daga saen mag-eerok an katanosan.