Isaias 54:10 - Marahay na Bareta Biblia

¹⁰ Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Isaias 54:10 ပူးပေါင်းရင်းမြစ်များ

2 Samuel 23:5

Siring an gigibohon na pagbendisyon nin Dios sa sakong kapagarakian, huli ta guminibo siya sako nin mayong kataposan asin dai mapapatod na tipan, sarong panuga na dai nanggad maliliwat. Huli ta dai daw ako tatabangan nin Dios, asin papangyarihon an gabos kong kamawotan?

Salmo 102:26

Matutunaw ini gabos, alagad ika magdadanay; magigin daan sinda siring sa gubing. Riribayan mo sinda arog kan pagsangle mo nin gubing, asin sinda mapapara.

Salmo 46:2

Kaya dai kita matatakot maski maliwat an daga, maski mahulog sa irarom kan dagat an kabukidan;

Salmo 46:3

maski maghagubohob asin magsubo an katubigan, asin matanyog an mga bukid huli kan karibokan.

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Isaias 49:15

Kaya nagsisimbag an Kagurangnan, “Malilingawan daw nin sarong ina an saiyang aki? Dai daw niya mamomotan an omboy na saiyang ipinangidam? Alagad maski malingawan pa nin sarong ina an saiyang aki, dai ko nanggad kamo malilingawan!

Isaias 54:8

Sa kaanggotan tinalikodan taka sa kadikit na panahon, alagad ipapahiling ko saimo an sakong pagkamoot sagkod pa man.” Iyan an sinasabi nin Kagurangnan na nagliligtas saimo.

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 59:21

Makikipagtipan ako saindo: Itinao ko saindo an sakong kapangyarihan saka mga katukdoan tanganing magin sadiri nindo sagkod lamang. Magpoon ngunyan, susunodon nindo ako asin tutukdoan nindo an saindong kaakian saka kapagarakian na sunodon ako sagkod pa man.”

Isaias 61:8

Nagsasabi an Kagurangnan, “An hustisya sakong namomotan asin an panghabon saka karatan sakong naoongisan. Maimbod kong babalosan an sakong banwaan asin magibo ako sainda nin mayong tapos na tipan.

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 31:36

Nanunuga siya na sagkod na nagdadanay an siring na orden, magdadanay man an Israel bilang sarong nasyon.

Jeremias 33:20

“Nakipagtipan ako sa aldaw saka sa banggi, tanganing magdatong sinda sa tama nindang panahon, asin an tipan na iyan dai nanggad mababago.

Ezekiel 16:42

Dangan mahahale an sakong kaanggotan asin matotoninong ako. Dai na ako maaanggot asin mag-iimon.

Ezekiel 34:25

Makikipagtipan ako sainda nin sarong tipan nin katoninongan asin hahaleon ko an mga lalaw na hayop sa daga, tanganing an sakong mga karnero matiwasay na mag-erok sa kaomahan asin magkatorog sa mga kadlagan.

Malakias 2:5

“An tipan ko sainda sarong tipan nin buhay asin katoninongan; itinao ko iyan sainda, tanganing galangan ninda ako. Kaidto, iginalang ninda ako asin natakot sinda sako.

Mga Bilang 25:12

Sabihan mo siya na makikipagtipan ako saiya.

Mateo 16:18

“Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Mateo 5:18

Sa katotoohan sinasabihan ko kamo, mawara man an langit asin an daga, alagad dai mawawaraan nin halaga maski an pinakasadit na detalye o punto kan Katogonan sagkod na maotob an gabos.

Roma 11:29

Dai binabawi nin Dios an saiyang mga balaog; dai niya binabago an saiyang pag-apod.

Tito 3:5

ilinigtas niya kita, bakong huli sa anoman na gibo tang matanos, kundi huli kan saiyang pagkaherak. Ilinigtas niya kita sa paagi kan paghugas sato kan tubig nin bagong pagkamundag asin bagong buhay sa Espiritu Santo.

Hebreyo 12:27

An tataramon na “sarong beses pa” maliwanag na nagpapahayag na an gabos na linalang yuyugyogon, dangan hahaleon an mga nayogyog, tanganing an mga bagay na dai pwedeng mayugyog iyo an mawalat.

Kapahayagan 6:14

Napara an langit arog sa nalukot na banig asin an gabos na bukid saka isla nahale sa saindang mga namumugtakan.