Isaias 54:1 - Marahay na Bareta Biblia

¹ Jerusalem, kaidto siring ka sa babaeng mayo nin aki, alagad pwede ka nang mag-awit ngunyan asin magkurahaw sa kaogmahan. Huli ta magkakaigwa ka na nin dakul na kaakian ki sa babaeng igwa nin agom!

Isaias 54:1 ပူးပေါင်းရင်းမြစ်များ

Genesis 21:6

Nagsabi si Sara, “An Dios nagdara sako nin ngingisihan saka kaogmahan; asin an siisay man na makadangog kaini mangisi kaiba ko.”

Salmo 113:9

Tinatawan niya nin harong an babaeng baog; ginigibong maogmang ina nin mga aki. Omawon an Kagurangnan!

Awit nin mga Awit 8:8

Igwa kaming sadit na tugang na babae, asin sadit pa an saiyang mga suso. Ano an magigibo mi para saiya sa aldaw na igwa na nin hoben na lalaking boot mag-agom saiya?

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 24:14

An mga matatada mag-aawit sa kaogmahan. Magbabareta an mga nasa solnopan kun gurano kadakula an Kagurangnan,

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Isaias 49:19

“Totoong rinaot an saimong daga—alagad iyan magigin sadit na para sa mga tawong nagdadangadang nganing mag-erok diyan. Asin an mga nagraot saimo magigin harayo nin marahay saimo.

Isaias 49:20

Sarong aldaw masabi saimo an mga tawong nagkamurundag kan panahon nin pagkatapokan, ‘Sadit nang marahay an dagang ini— kaipuhan nyato an dakulang lugar na eerokan!’

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 66:7

“An sakong banal na syudad nakakaagid sa sarong babae na nangaki maski dai nakamate kan kulog nin pangaki.

Sofonias 3:14

Pag-awit asin pagkurahaw sa kaogmahan, banwaan nin Israel! Pag-ogma sa bilog mong puso, O Jerusalem!

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Galacia 4:27

Huli ta nasusurat: “Mag-ogma ka, babaeng dai nagkaaki! Magkurahaw ka saka mag-awit sa kaogmahan, ika na dai nanggad nakamate kan kulog nin pangaki! Huli ta an babaeng binayaan magkakaigwa nin mas dakul na mga aki ki kan babaeng dai binayaan kan agom.”

1 Samuel 2:5

An mga tawong dating barasog nagpapatandan ngunyan, tanganing makakua sana nin pagkakan, alagad an mga dating nagugutom, basog na ngunyan. An babaeng baog nangaki nin pito, alagad an ina nin dakul dai natadaan maski saro.