Isaias 53:6 - Marahay na Bareta Biblia

⁶ Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Isaias 53:6 ပူးပေါင်းရင်းမြစ်များ

Genesis 22:6

Ipinadara ni Abraham ki Isaac an kahoy para sa tinutong na atang dangan siya an nagdara kan kutsilyo asin kan baga. Mantang naglalakaw sinda,

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Isaias 53:12

Kaya tatawan ko siya nin kaomawan, kaiba kan mga dakula saka mapangyaring mga tawo. Idinusay niya an saiyang buhay asin ibinilang siya sa kaibahan kan mga tampalasan. Inako niya an kasalan kan kadaklan asin ipinamibi niya na sinda patawadon.”

Isaias 53:5

Alagad huli kan satong mga kasalan linugad siya, huli kan ginibo tang karatan hinampak siya. Nabolong kita huli kan padusa na saiyang tinios, naomayan kita huli kan mga hampak na saiyang inako.

Isaias 53:7

“Pinasakitan siya nin makuri, alagad mapakumbabang tinios niya iyan; dai lamang siya nagtaram nin anoman. Siring sa kordero na dinadara sa bunoan, siring sa karnero na guguntingan, dai lamang siya nagtaram nin anoman.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Isaias 55:8

Nagsasabi an Kagurangnan, “An sakong kaisipan bakong arog kan saindong kaisipan, asin an sakong mga paagi iba man kan sa saindo.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Isaias 6:7

Dinutaan niya kan baga an sakong mga ngabil dangan nagsabi, “Nadutaan na kaini an saimong mga ngabil; mayo na an saimong karatan, asin pinatawad na an saimong mga kasalan.”

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Ezekiel 3:18

Kun magtaram akong magagadan an sarong maraot na tawo alagad dai mo siya pinatanidan tanganing mabago an saiyang gawe tanganing makaligtas an saiyang buhay, magagadan siya sa saiyang kasalan, alagad ika an babasolon ko sa saiyang pagkagadan.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Roma 4:25

Ginadan si Jesus huli kan satong mga kasalan, asin binuhay siya liwat tanganing magin matanos kita sa Dios.

Santiago 5:20

giromdomon nindo na an siisay man na nakapabalik sa sarong parakasala, makakaligtas kan kalag kan parakasalang iyan sa kagadanan, dangan makakatahob nin dakul na kasalan.

1 Pedro 2:25

Kaidto garo kamo mga karnerong nagkaralagalag, alagad ngunyan nagbalik na kamo sa Pastor asin Paraataman kan saindong mga kalag.

1 Pedro 3:18

Huli ta si Cristo nagadan dahel sa mga kasalan sarong beses sana nanggad. Matanos siyang tawo alagad nagadan siya para sa mga makasalan, tanganing madara niya kita sa Dios. Ginadan siya sa hawak alagad binuhay siya sa espiritu.

Hukom 21:25

Mayo pa kaidto nin hade sa Israel, kaya an lambang saro naggigibo kan pinaghohona niyang tama.