Isaias 52:9 - Marahay na Bareta Biblia

⁹ Pagkurahaw kamo sa kaogmahan, kamong nagkagarabang lugar nin Jerusalem! Huli ta ililigtas nin Kagurangnan an saiyang syudad asin rarangahon niya an saiyang banwaan.

Isaias 52:9 ပူးပေါင်းရင်းမြစ်များ

Salmo 102:22

kun magtiripon an mga banwaan asin kahadean sa pagsamba sa Kagurangnan.

Salmo 98:4

Gabos na daga maogmang magkurahaw sa Kagurangnan; omawon siya sa mga awit asin sa mga kurahaw nin kaogmahan!

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 14:7

Ngunyan an bilog na daga nagkakaigwa nin kapahingaloan saka katoninongan; an gabos nag-aarawit sa kaogmahan.

Isaias 40:1

“Rangaha nindo an sakong banwaan,” an sinasabi kan satong Dios. “Rangaha nindo sinda!

Isaias 43:1

Israel, an Kagurangnan na naglalang saimo nagsabi, “Dai ka matakot—ililigtas taka. Inapod taka sa saimong ngaran—sadiri taka.

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Isaias 51:12

Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 61:4

Papakarhayon ninda an mga syudad na haloy nang nagkararaot.

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Mikas 4:10

Mamiripit ka sa kulog asin mag-agoro, banwaan nin Jerusalem, arog sa sarong babaeng nangangaki, huli ta kaipuhan bayaan mo an syudad asin mag-erok ka sa kaomahan. Kaipuhan magduman ka sa Babilon, saen ililigtas ka nin Kagurangnan sa saimong mga kaiwal.

Galacia 4:27

Huli ta nasusurat: “Mag-ogma ka, babaeng dai nagkaaki! Magkurahaw ka saka mag-awit sa kaogmahan, ika na dai nanggad nakamate kan kulog nin pangaki! Huli ta an babaeng binayaan magkakaigwa nin mas dakul na mga aki ki kan babaeng dai binayaan kan agom.”