Isaias 52:8 - Marahay na Bareta Biblia

⁸ Nagkukurahaw an mga nagbabantay kan syudad, sarabay sindang nagkukurahaw sa kaogmahan! Nahihiling nanggad ninda an pagbalik nin Kagurangnan sa Sion!

Isaias 52:8 ပူးပေါင်းရင်းမြစ်များ

Salmo 102:22

kun magtiripon an mga banwaan asin kahadean sa pagsamba sa Kagurangnan.

Awit nin mga Awit 3:3

Nahiling ako kan mga bantay na naglilibot sa syudad. Hinapot ko sinda, “Nanumpongan na nindo an sakong namomotan?”

Awit nin mga Awit 5:7

Nanumpongan ako kan naglilibot na mga bantay kan syudad; hinampak ninda ako asin linugadan; an sakong alikboy inagaw kan mga bantay kan kudal kan syudad.

Isaias 24:14

An mga matatada mag-aawit sa kaogmahan. Magbabareta an mga nasa solnopan kun gurano kadakula an Kagurangnan,

Isaias 26:1

Maabot an panahon na mag-aawit an mga tawo kan awit na ini sa daga nin Juda: Makosog an samong syudad! An Dios mismo an nagbabantay kan mga kudal kaini!

Isaias 27:2

Sa aldaw na iyan, masabi an Kagurangnan dapit sa saiyang nawiwilihan na ubasan,

Isaias 30:26

An liwanag kan bulan magigin siring sa aldaw, asin an aldaw magigin pitong beses an kaliwanagan ki sa dating liwanag kaini, arog sa liwanag nin pitong aldaw na nagliwanag sa saro sanang aldaw. An gabos na ini mangyayari kun bolongon dangan paomayan na nin Kagurangnan an mga lugad na itinao niya sa saiyang banwaan.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 40:9

Jerusalem, sumakat ka sa sarong halangkaw na bukid asin ipahayag mo an marahay na bareta! Magkurahaw ka sa makosog na tingog, Sion; ibalangibog mo an marahay na bareta! Magtaram ka asin dai ka matakot. Sabihi an mga banwa nin Juda, “Uya na an saindong Dios!”

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Isaias 62:6

Sa ibabaw nin saimong mga kudal, O Jerusalem, nagbugtak ako nin mga bantay; kaipuhan na dai nanggad sinda mag-alo banggi man o aldaw. Kaipuhan ipagiromdom ninda sa Kagurangnan an saiyang ginibong mga panuga asin dai sinda magtugot na malingawan niya an mga iyan.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Jeremias 33:7

Papauswagon ko an Juda saka an Israel, asin papatindogon ko giraray sinda arog kan dati.

Jeremias 6:17

An Kagurangnan nagbugtak sa Israel nin mga bantay na saiyang tinaraman, “Dangogon nindo an tanog kan trompeta!” Alagad nagsabi sinda, “Dai mi iyan dadangogon.”

Ezekiel 3:17

“Aki nin tawo, ginigibo takang bantay kan nasyon nin Israel. Itataram mo sainda an anoman na patanid na madangog mo sako.

Ezekiel 33:7

“Kaya ngunyan, aki nin tawo, ginibo takang bantay kan nasyon nin Israel. Itataram mo sainda an ano man na patanid na madadangog mo sako.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

Zacarias 12:8

Sa panahon na iyan, iingatan nin Kagurangnan an mga nag-eerok sa Jerusalem; maski an pinakamaluya sa sainda magigin siring kakosog ni David. An mga kapagarakian ni David an mangengenot sa sainda arog sa sarong anghel nin Kagurangnan, arog sa Dios mismo.

Mga Gibo 2:1

Kan mag-abot an aldaw nin Pentecostes, nagkatiripon sa sarong lugar an gabos na paratubod.

Mga Gibo 4:32

An gabos na paratubod nagkasararo sa isip asin sa puso. Mayo nin nagsabi na an sadiri niya saiya sana, kundi an gabos na bagay sadiri kan gabos.

1 Corinto 1:10

Sa ngaran ni Jesu-Cristo na satong Kagurangnan, nakikimaherak ako saindo, mga tugang, na magkaoroyon kamo nganing dai kamo magkabaranga; magkasararo kamo sa isip saka sa katuyohan.

1 Corinto 13:12

An nahihiling ta sa salming ngunyan sarong malabog na ladawan, alagad ngapit mahihiling ta nin hampangan. An naaaraman ko ngunyan kabtang pa sana; alagad ngapit masasabotan ko iyan nin lubos, siring na ako lubos na nasasabotan nin Dios.

Hebreyo 13:17

Kuyogon nindo an saindong mga lider saka sunodon nindo an saindang mga pagboot. Dai sinda nag-oontok sa pagbantay kan saindong mga kalag, huli ta aram nindang matao sinda nin kwenta sa Dios kan saindang paglingkod saiya. Kun kuyogon nindo sinda, maogma nindang gigibohon an saindang katongdan; kun dai, mamondo nindang gigibohon iyan asin mayo iyan nin pakinabang para saindo.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 19:4

Nagdapa an beynte y kwatrong kamagurangan asin an apat na buhay na linalang sa atubang nin Dios na nagtutukaw sa trono. Nagsabi sinda, “Amen! Pag-omawon an Dios!”