Isaias 52:5 - Marahay na Bareta Biblia

⁵ Arog man kaiyan an nangyari saindo sa Babilonia; sinakop kamo saka dai binayadan. Nag-orgulyo saka nagpaabaw-abaw an mga namamayo saindo asin danay na ipinahiling ninda an pag-olog-olog sako.

Isaias 52:5 ပူးပေါင်းရင်းမြစ်များ

2 Samuel 12:14

“Alagad nin huli ta sa gaweng ini ipinahiling mo an pagkaongis sa Kagurangnan, magagadan an saimong aki.”

Salmo 44:12

Baratong ipinabakal mo an sadiri mong banwaan, na garo mayo nin halaga asin pakinabang.

Salmo 44:16

mantang nadadangog ko an mga paraolog-olog asin paratuya-tuya; mantang nahihiling ko an sakong mga kaiwal asin an mga anggot sakuya.

Salmo 74:10

Sagkod nuarin, O Dios, magtutuya-tuya an kaiwal? Mag-oolog-olog daw sinda sagkod lamang kan saimong ngaran?

Salmo 74:18

Giromdoma, Kagurangnan, na nginingisihan ka kan mga kaiwal, ikinakaongis ka kan mga tawong masombikal.

Exodo 3:7

Nagtaram pa an Kagurangnan, “Nahiling ko an grabeng kasakitan kan sakong banwaan sa Egipto. Nadangog ko an saindang inagrangay na iligtas sinda sa mga nag-ooripon sa sainda. Naaaraman ko an gabos nindang tinitios,

Isaias 22:16

“Siisay ka sa paghona mo? Ano an deretso mo na mag-ukit nin lulubngan para sa saimo sa magapong parte kan bulod?

Isaias 37:28

“Alagad aram ko an gabos manongod saimo, kun ano an ginigibo mo asin kun saen ka nagduduman. Aram ko an saimong kaanggotan sa sako.

Isaias 37:6

itinao niya saiya an simbag na ini: “An Kagurangnan nagsasabi na dai ka matakot huli kan mga tataramon kan mga taga Asiria na dai kamo ililigtas nin Kagurangnan.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Isaias 51:20

Sa lambang kanto kan tinampo an mga aki mo nagkakapurukan sa kaluyahan; garo sinda mga usa na nagkadarakop sa litag kan paraayam. Namatean ninda an kosog kan kaanggotan nin Dios.

Isaias 51:23

Itatao ko iyan sa mga tawong nag-api saindo, sa mga nagpahigda saindo sa tinampo asin nagtimaktimak saindo na garo ati kamo.”

Isaias 52:3

Nagsasabi an Kagurangnan Dios sa saiyang banwaan, “Ipinabakal kamo na mayo nin bayad, kaya tutuboson man kamo na mayo nin bayad.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Mga Panambitan 2:3

Sa labi-labing kaanggotan, rinonot niya an kosog nin Israel; sa atubang kan kaiwal, dai niya kami tinabangan. An kaanggotan niya samo siring sa kalayo na minaraot kan gabos.

Ezekiel 20:14

Alagad dai ko iyan ginibo huli ta mapapasopog an sakong ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:9

Alagad dai ko iyan ginibo, huli ta mapapasopog an sakong ngaran, huli ta sa atubang kan mga nasyon, saen nag-erok sinda, nagpahayag ako sa mga Israelita na iluluwas ko sinda sa Egipto.

Sofonias 1:10

“Sa aldaw na idto,” an sabi nin Kagurangnan, “madadangog nindo an paghibi sa Trangkahan nin Sira sa Jerusalem. Madadangog nindo an inagrangay sa bagong kabtang kan syudad asin an dakulang ribok nin pagkarumpag sa kabubuldan.

Roma 2:24

Nasasabi sa kasuratan, “Dahel saindong mga Judio, an Dios pinapakaraot kan mga pagano.”

Hukom 18:3

Namidbidan ninda an punto kan pagtaram kan hoben na Levita kaya dinolok ninda siya asin hinapot, “Ano an ginigibo mo digdi? Siisay an nagdara saimo digdi?”