Isaias 52:4 - Marahay na Bareta Biblia

⁴ Kan magduman kamo sa Egipto tanganing mag-erok bilang mga dayuhan, nagduman kamo sa marahay na boot; alagad kinua kamo nin Asiria sa paagi nin kosog asin dai nagbayad para saindo.

Isaias 52:4 ပူးပေါင်းရင်းမြစ်များ

Genesis 46:6

Dinara ninda sa Egipto an mga hayop sagkod an mga rogaring na napasainda duman sa Canaan. Ipinag-iba ni Jacob an gabos niyang kapagarakian:

Genesis 46:7

an saiyang mga aking lalaki saka mga makoapong lalaki, an saiyang mga aking babae saka mga makoapong babae.

An Libro ni Job 2:3

Naghapot giraray an Kagurangnan, “Nanumpongan mo si Job na sakong sorogoon? Mayong makakaarog saiya sa kinaban sa kaimbodan asin sa katanosan. Nagsasamba siya sako asin naglilikay sa paggibo nin maraot. Dinagka mo akong tugotan taka na salakayon siya maski mayo nin dahelan, alagad siring sa dati, maimbod pa giraray siya.”

Salmo 25:3

Dai madadaog an mga naglalaom saimo; alagad masosopog an minapasaluib saimo.

Salmo 44:12

Baratong ipinabakal mo an sadiri mong banwaan, na garo mayo nin halaga asin pakinabang.

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Juan 15:25

Nangyayari ini tanganing maotob an nasusurat sa saindang Katogonan, ‘Ikinaongis ako ninda na mayo nin anoman na dahelan.’