Isaias 52:12 - Marahay na Bareta Biblia

¹² Ngunyan mahale kamo na dai naghihidali, dai kamo malakaw na garo nagdudulag. An Kagurangnan na saindong Dios an mangengenot saindo asin maataman saindo.

Isaias 52:12 ပူးပေါင်းရင်းမြစ်များ

1 Mga Cronica 14:15

Kun madangog mo na an pagmartsa sa alitoktok kan mga kahoy na balsamo, magsalakay ka, huli ta ako an mangengenot saindo sa pagdaog kan hukbo kan mga Filisteo.”

Exodo 12:11

Kakanon nindo ini nin hidali, asin kaipuhan nakasulot na kamo nin gubing na panlakaw, nakasandalyas asin kapot na an sugkod. Iyo ini an Pyesta kan Paskwa nin Kagurangnan.

Exodo 12:33

Pinapaghidali kan mga Egipcio an mga Israelita sa saindang paghale sa Egipto. Olay ninda, “Magagadan kami gabos kun dai pa kamo maghale digdi.”

Exodo 12:39

Nagluto sinda nin tinapay na mayo nin lebadura hale sa dara nindang minasa, huli ta kan isubol sinda paluwas sa Egipto, dai na sinda nagkaigwa nin oras na mag-andam nin pagkakan o magmasa nin arina na igwa nin lebadura.

Exodo 14:8

Pinatagas nin Kagurangnan an puso kan hade kaya linamag kaini an mga Israelita, na mapangganang nagharale.

Isaias 26:7

Kagurangnan, pinatag mo an agihan kan mga matanos; pantay an dalan na saindang linalakawan.

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

Isaias 42:16

“Papangenotan ko an sakong butang banwaan sa mga dalan na dai pa ninda inagihan. Gigibohon kong liwanag an saindang kadikloman asin sa saindang atubangan, sasaramahon ko an bakong saramang mga lugar. Iyo ini an mga bagay na gigibohon ko, asin dai ko iyan lilingawan.

Isaias 45:2

“Ako mismo an maandam kan aagihan mo; an kabukidan saka kabubuldan papantayon ko. An mga bronseng trangkahan sakong gagabaon asin an mga lansang na barat sakong babarion.

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Isaias 49:11

“Magibo ako nin tinampo sa kabukidan asin maandam ako nin dalan na aagihan kan sakong banwaan.

Isaias 51:14

Madali nang talingkasan an mga bilanggo; mabubuhay sinda sa halawig na panahon asin dai magkukulang an saindang pagkakan.

Isaias 57:18

“Nahiling ko an saindang gibo, alagad papaomayan ko sinda. Papangenotan ko sinda asin tatabangan; rarangahon ko an mga nagmomondo.

Isaias 58:8

“Dangan maliwanag sa saindo siring sa liwanag kan aldaw pagkaaga an sakong pagkawili, asin madaling mararahay an saindong mga lugad. Danay ko kamong iibahan tanganing iligtas kamo; an sakong presensya an mag-iingat saindo sa gabos na pag-alaman.

Mikas 2:13

An Dios iyo an mabukas nin agihan para sainda dangan mahale sa sainda sa pagkatapokan. Maruluwas sinda sa mga trangkahan kan syudad asin magigin talingkas. An saindang hade, an Kagurangnan mismo, iyo an mangengenot sainda paluwas.

Mga Bilang 10:25

An nasa irarom kan bandera kan dibisyon na pinamamayohan kan tribu ni Dan, na iyo an nasa hurihan asin iyo an panlikod na bantay kan gabos na dibisyon, iyo an huring malakaw, sa pamamayo ni Ahiezer na aki ni Ammisaddai.

Deuteronomio 16:3

Sa pagkakan nindo kaiyan, dai kamo mag-andam nin tinapay na igwa nin lebadura. Sa laog nin pitong aldaw, magkakan kamo nin tinapay na mayo nin lebadura, siring kan ginibo nindo kan hidali kamong maghale sa Egipto. Kakanon nindo an tinapay na iyan, na aapodon tinapay nin kasakitan, tanganing sa bilog nindong pagkabuhay magiromdoman nindo an aldaw kan paghale nindo duman sa Egipto.

Deuteronomio 20:4

Iibahan kamo nin Kagurangnan na saindong Dios asin tatawan niya kamo nin kapangganahan.’

Josue 4:11

Kan nasa ibong na sinda gabos, nangenotan sa mga tawo an mga pading nagdadara kan Kaban nin Tipan nin Kagurangnan.

Hukom 4:14

Sinabihan ni Debora si Barak, “Lakaw! An Kagurangnan an mangengenot saimo! Sa aldaw na ini, itatao niya saimo an kapangganahan laban ki Sisera.” Kaya sa pangenot ni Barak, naglugsot hale sa Bukid nin Tabor an dyes mil na kalalakihan,