Isaias 52:11 - Marahay na Bareta Biblia

¹¹ Maghale kamo sa Babilonia, kamo gabos na paradara kan kagamitan sa Templo! Dai kamo magdotdot kan ipinangalad na bagay; magpakabanal kamo asin maghale diyan.

Isaias 52:11 ပူးပေါင်းရင်းမြစ်များ

1 Mga Cronica 15:12

dangan sinabihan, “Kamo an mga namamayo kan mga kamaganakan ni Levi. Magpakabanal kamo asin an kapwa nindo mga Levita, tanganing pwede kamong magdara kan Kaban nin Tipan nin Kagurangnan, an Dios nin Israel, pasiring sa lugar na inandam ko para digdi.

Exodo 30:19

na gagamiton ni Aaron asin kan saiyang mga aki sa paghanaw kan saindang mga kamot saka mga bitis.

Isaias 1:16

Maghanaw ka; maglinig ka kan saimong sadiri; halea an maraot mong mga gibo sa atubang ko; mag-ontok ka sa paggibo nin karatan,

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 66:20

Ibabalik ninda an saindong mga kahimanwa hale sa mga nasyon bilang regalo sako. Dadarahon ninda an mga tawong ini sa sakong banal na bulod sa Jerusalem. Malunad sinda sa mga kabayo, mga mula, asin mga kamelyo, patin sa mga karwahe saka mga kariton. Dadarahon ninda an mga kahimanwa ninda siring sa pagdara kan mga Israelita kan mga dolot na pagkakan sa Templo na nakabugtak sa mga malinig na laogan.

Jeremias 31:21

Magbugtak ka nin mga tanda sa saimong agihan; hanapa giraray an dalan na saimong linakawan. Magbalik ka, banwaan nin Israel, magbalik ka sa mga syudad na saimong binayaan.

Jeremias 50:8

“Banwaan nin Israel, magdulag kamo hale sa Babilonia! Maghale kamo sa banwaan na iyan! Kamo an mangenot sa pagdulag!

Jeremias 51:45

Mga taga Israel, maghale kamo diyan! Iligtas nindo an saindong sadiri sa makuri kong kaanggotan.

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Ezekiel 44:23

“Itutukdo kan mga padi sa mga tawo an kalaenan kan anoman na banal sa bako, an kalaenan kan bagay na malinig sa maati.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Levitico 11:45

Ako an Kagurangnan na nagluwas saindo sa daga nin Egipto tanganing ako an magin Dios nindo. Kaya magin banal kamo, huli ta ako banal.

Levitico 11:47

Magin maingat kamo sa pagmidbid kun arin an malinig asin an maati, kun arin sa mga nabubuhay na hayop an pwedeng kakanon asin an mga dai pwedeng kakanon.

Levitico 21:6

Kaipuhan na magin banal sinda asin dai ipasopog an sakong ngaran, huli ta sinda an nagdodolot kan mga dolot na pagkakan sa sako; kaya maninigo na sinda magin banal.

Zacarias 2:10

Nagtaram an Kagurangnan, “Pag-awit kamo sa kaogmahan, mga taga Jerusalem! Maabot na ako tanganing mag-erok sa kaibahan nindo!”

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Mga Bilang 16:26

Sinabihan niya an mga tawo, “Humarayo kamo sa mga tolda kan mga maraot na tawong ini. Dai nindo pagdutaan an ano man na pagsadiri ninda tanganing dai kamo matunaw kaiba ninda huli kan saindang mga kasalan.”

Mga Bilang 19:11

An magduta sa tawong gadan magigin maati sa laog nin pitong aldaw.

Mga Bilang 19:16

Sa luwas kan tolda, kun may magduta sa tawong ginadan o nagadan sa natural na paagi, o kun may magduta sa tolang nin sarong tawo o sa sarong lulubngan, magigin maati sa laog nin pitong aldaw.

Mga Bilang 8:6

“Isuhay mo sa ibang mga Israelita an mga Levita asin linigan mo sinda.

Mga Gibo 10:14

Alagad nagsabi si Pedro, “Habo ako, Kagurangnan! Huli ta dai pa lamang ako nagkakan nin anoman na ibinibilang na maati.”

Mga Gibo 10:28

Nagsabi siya sainda, “Aram nindong dai tugot sa sarong Judio na magdalaw o makiiba sa pagano. Alagad ipinahayag sako nin Dios na dai ko ibilang na maati o bakong maninigong pakiibahan an siisay man.

Roma 14:14

Dahel sa sakong pakisumaro sa Kagurangnan na Jesus, naniniwala ako na mayong kakanon na masasabing maati; alagad kun an sarong tawo nagtutubod na an siring na kakanon maati, an kakanon na iyan maati para saiya.

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Efeso 5:11

Dai kamo mag-ayon sa mga mayong halagang gibo nin kadikloman, kundi ihayag nindo sa liwanag an mga gibong iyan. (

1 Pedro 2:11

Mga namomotan kong tugang, nakikiolay ako saindo na kamo, bilang mga dayuhan saka mga nasa destyero sa kinaban na ini, dai kamo magpadaog sa mga kamawotan kan laman na danay na nakikilaban sa mga kalag nindo.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

Kapahayagan 18:4

Dangan nakadangog ako nin saro pang tingog hale sa langit na nagsabi, “Lumuwas kamo, banwaan ko! Lumuwas kamo sa saiya, ta tibaad madamay kamo sa mga kasalan niya, ta tibaad madamay kamo sa mga pasakit saiya.