Isaias 52:10 - Marahay na Bareta Biblia

¹⁰ Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 52:10 ပူးပေါင်းရင်းမြစ်များ

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 67:2

tanganing maaraman kan bilog na daga an saimong kabotan; tanganing an gabos na nasyon makaaram kan saimong kaligtasan.

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 33:13

Pagdangog kamo na mga nasa harani asin nasa harayong lugar, kun ano an sakong ginibo, asin akoon nindo na mapangyari ako.”

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 45:22

“Madya kamo sako ngunyan asin makakaligtas kamo, mga tawo sa bilog na daga! Huli ta ako an Dios, asin pwera sako mayo na nin ibang dios.

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Isaias 53:1

Nagsimbag an mga tawo, “Siisay daw an pwedeng magtubod sa samong ibinabareta? Siisay daw an pwedeng nakahiling kan kamot nin Kagurangnan sa nangyaring ini?

Isaias 59:16

Nahiling niya na maski saro mayo nin minatabang sa naaapi. Kaya gagamiton niya an sadiri niyang kapangyarihan sa pagligtas sa mga naaapi asin tanganing manggana siya.

Isaias 62:1

Magtataram ako tanganing pakosogon an boot kan Jerusalem; dai ako magkakaalo sagkod na ligtas na siya, asin nagliliwanag an saiyang kapangganahan siring sa sarong karaba sa pagkabanggi.

Isaias 63:5

Nagngalas ako kan sakong mahiling na mayo nin matabang sako, alagad pinakosog ako kan sakong kaanggotan, asin nanggana ako.

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Lukas 2:30

huli ta nahiling ko na an saimong kaligtasan,

Lukas 3:6

Mahihiling kan gabos na tawo an pagligtas nin Dios!’”

Mga Gibo 13:47

Huli ta an togon samo kan Kagurangnan iyo ini: ‘Ibinugtak taka na magin sarong ilaw para sa mga pagano, tanganing ibareta an kaligtasan sagkod sa mga poro kan daga.’”

Josue 4:24

Huli kaini maaaraman kan lambang saro sa kinaban kun gurano kadakula an kapangyarihan nin Kagurangnan, asin oomawon nindo an Kagurangnan na saindong Dios sagkod lamang.”

Kapahayagan 14:6

Dangan nakahiling ako nin saro pang anghel na naglalayog sa kaitaasan na may darang Marahay na Bareta na daing kataposan, na saiyang ipapahayag sa gabos na nag-eerok sa kinaban, sa lambang nasyon, tribu, lengwahe saka banwaan.

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”