Isaias 51:8 - Marahay na Bareta Biblia

⁸ mawawara sinda siring sa gubing na kinakan nin mga anay! Alagad an sakong kaligtasan magdadanay sagkod lamang; an sakong pagligtas para sa gabos na henerasyon.”

Isaias 51:8 ပူးပေါင်းရင်းမြစ်များ

An Libro ni Job 13:28

Huli kaiyan, naroronot ako siring sa lapang kahoy, arog sa gubing na ginagatob nin kino.

An Libro ni Job 4:19

Sa linalang pa daw na hinaman sa laboy, na ginibo sa alpog asin pwedeng maronot arog sa sarong mariposa?

Isaias 14:11

Kaidto, inoomaw ka kaiba kan musika nin mga arpa, alagad ngunyan uya ka na sa kinaban kan mga gadan. An mga ulod an saimong magigin higdaan asin mga ulod an saimong magigin tamong.’”

Isaias 45:17

Alagad ilinigtas nin Kagurangnan an Israel, asin magdadanay sagkod lamang an saiyang kapangganahan; dai nanggad siya mapapasopog asin mawawaraan nin onra sagkod pa man.’”

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Isaias 50:9

An Kagurangnan Dios mismo an nagsusurog sako— siisay an makakapatotoo na may sala ako? Magkakawarara an gabos na nagsusumbong sako; mawawara sinda siring sa telang kinakan kan anay.

Isaias 51:6

Tingkalagan an saindong mga mata sa kalangitan, asin hilinga nindo an daga! An kalangitan mawawara siring sa aso; an daga magigin siring sa daan na gubing; an gabos na tawo diyan magagadan siring sa mga langaw. Alagad an sakong kaligtasan magdadanay sagkod lamang; an sakong pagligtas mayo nanggad nin kataposan.

Isaias 54:9

“Kan panahon ni Noe ako nanuga na dai na nanggad magkakaigwa nin baha sa daga. Ngunyan nanunuga ako na dai na nanggad ako maaanggot saimo; dai ko na ika papadusahan.

Isaias 66:24

“Mantang naghahale sinda, mahihiling ninda an mga bangkay kan mga tawong nagrebelde tumang sako. An mga ulod na nagkakakan sainda dai magagadan, asin an kalayong nagsusulo sainda dai nanggad mapapalsok. An tanawon na iyan ikakauyam kan bilog na katawohan.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Oseas 5:12

Raraoton ko an Israel asin roronoton ko an mga taga Juda.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.