Isaias 51:23 - Marahay na Bareta Biblia

²³ Itatao ko iyan sa mga tawong nag-api saindo, sa mga nagpahigda saindo sa tinampo asin nagtimaktimak saindo na garo ati kamo.”

Isaias 51:23 ပူးပေါင်းရင်းမြစ်များ

Salmo 129:3

Siring sa mga paraarado, linugad ninda an sakong likod; hararom an nagin mga lugad ko.

Salmo 66:12

Pinatimaktimakan mo kami sa samong mga kaiwal; nag-agi kami sa kalayo asin baha, alagad ngunyan dinara mo kami sa sarong kahiwasan.

Mga Talinhaga 11:8

An matanos iliniligtas sa kasakitan, alagad sa maraot minahugpa iyan.

Mga Talinhaga 21:18

Minabalik sa tampalasan an kasakitan na saiyang pinaplano laban sa mga matanos.

Obadias 1:16

Ininom kan sakuyang banwaan an mapait na kalis nin padusa sa sakong banal na bulod. Alagad an gabos na nasyon sa palibot mainom kan orog pang mapait na kalis nin padusa; iinomon ninda iyan gabos asin mapapara sinda.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Zacarias 12:2

“An Jerusalem gigibohon kong arog sa sarong kalis nin arak; mainom an mga nasyon sa palibot niya asin magsasayasay sinda siring sa mga burat. Kun palibotan na ninda an Jerusalem, an mga syudad sa natatada pang kabtang nin Juda mapapalibotan man.

Josue 10:24

dangan dinara ninda ki Josue. Inapod ni Josue an saiyang mga soldados asin sinugo an mga opisyal na nag-iba saiya na tungtongan an liog kan mga hade. Nagsunod an mga opisyal.

Kapahayagan 11:2

Alagad dai mo pagsukolon an patyo sa luwas kan templo, huli ta itinao na iyan sa mga pagano na matimak-timak kan Banal na Syudad sa laog nin kwarenta y dos na bulan.

Kapahayagan 17:18

“An nahiling mong babae iyo an dakulang syudad na may kapangyarihan sa mga hade kan kinaban.”