Isaias 51:22 - Marahay na Bareta Biblia

²² sinusurog kamo nin Kagurangnan na saindong Dios asin nagsasabi, “Uya, hinahale ko na sa saindong kamot an kalis nin sakong kaanggotan. Dai na kamo kaipuhan na mag-inom kan arak na sa saindo nakakapasayasay.

Isaias 51:22 ပူးပေါင်းရင်းမြစ်များ

Salmo 35:1

Iwalon mo Kagurangnan, an mga nakikiiwal sako; labanan mo an mga nakikilaban sako.

Salmo 60:3

Pinasakitan mo nin makuri an saimong banwaan; pinainom mo kami nin arak kaya kami nagsasayasay.

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Isaias 29:9

Magpadagos kamo sa pagigin lolong! Magpadagos kamo sa pagigin sarong buta! Magburat kamo maski mayo nin arak! Magsayasay kamo maski dai nakainom minsan sarong tagdo!

Isaias 3:12

Inaapi nin mga usurero an sakong banwaan; dinadaya sinda kan parapautang. Banwaan ko, linalagalag ka kan saimong mga pamayo, kaya dai mo aram an saimong dalan.

Isaias 3:13

Andam an Kagurangnan sa pagpahayag kan saiyang kaso; nagtitindog siya sa paghukom sa saiyang banwaan.

Isaias 49:25

Nagsisimbag an Kagurangnan, “Maaagaw maski an mga nabihag kan mga soldados, asin maaagaw an sinamsaman kan makuring mananakop. Lalabanan ko an nakikilaban saindo asin ililigtas ko an mga aki nindo.

Isaias 51:17

Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Jeremias 25:15

An Kagurangnan, an Dios nin Israel, nagtaram sako, “Uya an kalis na pano kan sakong kaanggotan. Darahon mo ini sa gabos na nasyon na papadumanan ko saimo saka painomon mo sinda.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 51:36

Kaya tinaraman nin Kagurangnan an mga taga Jerusalem, “Makikilaban ako para saindo; ibabalos ko kamo. Papamarahon ko an dagat asin burabod kan Babilonia.

Mga Panambitan 3:15

Mapait na pagtios an itinao niya sakong pagkakan saka inomon.

Mga Panambitan 3:58

“Tinabangan mo ako, Kagurangnan asin ilinigtas mo an sakong buhay.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Joel 3:2

Titiponon ko an gabos na nasyon asin dadarahon ko sinda sa Kapantayan nin Paghukom. Huhukoman ko sinda duman huli kan gabos na ginibo ninda sa sakong banwaan. Iwinarak ninda an mga Israelita sa dayuhan na mga nasyon asin binanga ninda an Israel, an sakong daga.

Obadias 1:16

Ininom kan sakuyang banwaan an mapait na kalis nin padusa sa sakong banal na bulod. Alagad an gabos na nasyon sa palibot mainom kan orog pang mapait na kalis nin padusa; iinomon ninda iyan gabos asin mapapara sinda.

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Zacarias 12:2

“An Jerusalem gigibohon kong arog sa sarong kalis nin arak; mainom an mga nasyon sa palibot niya asin magsasayasay sinda siring sa mga burat. Kun palibotan na ninda an Jerusalem, an mga syudad sa natatada pang kabtang nin Juda mapapalibotan man.

Mateo 20:22

Sinimbag sinda ni Jesus, “Dai nindo aram kun ano an hinahagad nindo. Maiinom daw nindo an kalis na sakong iinomon?” Nagsimbag sinda, “Opo.”

1 Samuel 25:39

Kan mabaretaan ni David na gadan na si Nabal, nagsabi siya, “Pag-omawon an Kagurangnan! Siya an nagbalos ki Nabal huli kan pag-insulto niya sako asin ilinikay ako nin Kagurangnan sa pagkasala. Pinadusahan nin Kagurangnan si Nabal huli kan karatan na ginibo niya.” Dangan nagpatogon si David ki Abigail na boot niya ining magin agom.